Header Ads

  • Berita Tebaru

    PRS deka meri penuduk ungkup chalun indu

    KETUAI INDU PRS: Doris meri jaku peransang ba Pengerami Penumbuh PRS Ke-13 di sebuah hotel ditu malam ensanus.
    Parti komponen tu deka nyadi parti Dayak keterubah nudukka chalun indu sekalika ba PRU tauka PRN.

    SRI AMAN: Presiden Parti Rakyat Sarawak (PRS) Tan Sri Dr James Masing madahka parti nya enda begilik penemu deka nudukka siku tauka dua orang indu nyadi chalun Barisan Nasional (BN) ba pengawa Bepilih Besai (PRU14) ke deka datai tu ila.

    Iya mega madahka PRS ngembuan juluk deka mechahka tradisi sebarang parti Dayak nyadi parti keterubah nudukka chalun indu keterubah ngarika BN sekalika ba Pengawa Bepilih Besai (PRU) tauka Pengawa Bepilih Kaunsil Nengeri (PRN).

    Ku iya, PRS udah nempa sejarah ngemendarka Dato Sri Doris Sophia Brodie nyadi sapit Dewan Negara.

    Masing ke mega Sapit Kepala Menteri madah, kriteria enchalunka chalun BN ke dikeandal ulih menang ukai semina bepanggai ba pengulih menang aja laban bisi faktor bukai ke mega deka diperunding ke sebaka pemesai guna.

    Siti arinya, talukka parti enggau gempung BN, ku iya.

    “Faktor chalun ke ulih menang ukai suah deka nyadika malin. Enti baka nya, nama kebuah Tan Sri Muhyddin Yassin, Datuk Seri Shafie Apdal enggau Datuk Mukhriz Mahathir enda dichalunka? Tu mandangka penaluk nya sama sebaka guna enggau pengulih chalun nya menang,” ku Masing lebuh bejadi Pengerami Makai Lemai Penumbuh PRS Ke-13 ti diatur Pampang Indu PRS, betuaika Doris ba sebuah hotel ditu malam ensanus.

    Kaban Parlimen (MP) PRS ke nadai datai ngagai pengerami makai malam nya, Menteri Ba Opis Menteri Besai Datuk Joseph Entulu Belaun (Sapit Presiden PRS ke mega MP Selangau), Dato Aaron Ago Dagang ( MP Kanowit) enggau MP Lubok Antu, Datuk William Nyallau Badak (Kaban Kunsil Besai PRS ).

    Masing mega madah PRS bisi chara kediri milih chalun ba enam sitak parlimen ngarika BN.

    Ku iya, Kaban Kunsil Nengeri (ADUN) PRS enda tau enda nulis surat ngagai iya madahka sida ngemendarka chalun ba sesebengkah sitak parlimen ngambika iya ulih berati lalu berundingka pekara nya, ku iya.

    Bejaku dulu ari nya, Doris ke mega Sekretari Kepala Menteri madahka parti ngemeratka tiga pekara iya nya penaluk, kerejasama enggau komitmen ke nyadi pekara dikena nyerakupka parti. #UtusanBorneo

    No comments

    Post Top Ad