Raban Indu SUPP Simanggang udah nyuaka bantu ngagai Muna Buja.
Cari Berita

Advertisement

Raban Indu SUPP Simanggang udah nyuaka bantu ngagai Muna Buja.

Chief Editor | Berita Iban MY
October 2, 2017

SRI AMAN: Raban Indu Parti Sa’ati Rayat Sarawak (SUPP) Pampang Simanggang udah ngabas siku orang tuai di Rumah Ringgit Bayang, Kampung Ibol Undop, Sri Aman semak ditu, pagi kemari.

Ketuai Raban Indu SUPP Simanggang, Ling Siew Hung madahka pejalai raban sida seraya nyuaka bantu barang bukai diguna orang tuai nya.

“Kami dipadahka orang tuai nya benama Muna Buja, 102 taun, penatai asal ari Rumah Panjai Ringgit Bayang, Kampung Ibol,” ku iya lebuhka dirandau Utusan Borneo dekat sini pagi tadi.

Ku Ling nambah, pejalai sida sebuat nyadi siti ari aktiviti ninting bulan raban Indu SUPP Simanggang kelimpah aktiviti begulai enggau Komiti Besai Parti nya.

“Kami ari Raban Indu deka seruran nampung pengawa nyuaka pemeri ngagai orang tuai ti begunaka bantu kelebih agi ke diau mendam di sitak DUN Simanggang tu,” ku iya nampung. #UtusanBorneo