Raban Pampang Nembiak PRS Baleh udah nemuai meri basa ngagai Masing. - Berita Iban Online

Header Ads

  • Baru Nyadi

    Raban Pampang Nembiak PRS Baleh udah nemuai meri basa ngagai Masing.

    KAPIT: Raban ari Pampang Nembiak Parti Rakyat Sarawak (PRS) Bagi Baleh dibetuaika Nicholas Kudi Jantai, ke mega Sekretari Politik Kepala Menteri Sarawak bedau lama ke udah bisi nemuai meri basa ngagai Presiden PRS, Masing, seraya meri penerang pasal keretas kereja ‘Ekspedisi Mendaki Gunung Kinabalu 2017’.

    Penemuai meri basa diatur pengudah tembu aum besai ninting taun begulai PRS Bagi Baleh, Pelagus enggau Katibas ba bilik konferen, Palan Sivik Kapit ditu, bedau lama ke udah.

    Tuju penemuai ngagai Masing, keterubah deka nerangka keretas kereja Ekspedisi Mendaki Gunung Kinabalu lalu kedua minta saup belanja ungkup pejalai nya.

    Lebuhka dikerandau, ku Nicholas madah ngagai The Borneo Post, batang tuju ekspedisyen iya nya belajar enggau bejalai matau menua ungkup 15 iku kaban ari pampang nembiak.

    “Kami ngarapka ekspedisyen tu ulih nempa disiplin, kereja siti tim, latih nyadi ketuai enggau negutka tanggam kaul enggau pangan diri, kelebih agi nyediaka sida ba Pengawa Bepilih Besai Ke-14 (PRU14) ti deka datai.”

    Ku iya nerang, raban nembiak deka bebendar gawaka penyandang Kaban Parlimen (MP) Ulu Rajang, Datuk Wilson Ugak Kumbong.

    “Kami deka nentuka Ugak ulih menang enggau majoriti besai llalu nya nganjung pesan ke nyata ngagai bala ketuai Barisan Nasional (BN) ke alai kami di Ulu Rajang meri sukung penuh ngagai Menteri Besai Najib.”

    Nicholas mega madah kelimpah ari Bukit Kinabalu, sida mega merambu deka nemuai ngagai ‘Kelab Sukan 4 x 4 Permotoran Lasak Tenom, Sabah, sebuah kelab motor 4x4 ti chukup tebilang di Sabah.

    “Kami arapka timbal ari penemuai ngagai ‘Kelab Sukan Permotoran Lasak Permotoran Tenom’, ulih meri penemu dikena ngaga palan endur lumba motor cross 4x4 di Tunoh, Pelilih Bukit Mabong, ke ngembuan tiris ti nyelai,” ku Nicholas. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads