Rayat menua pesisir patut diterang pasal tanggungpengawa SPRM. - Berita Iban Online

Header Ads

  • Baru Nyadi

    Rayat menua pesisir patut diterang pasal tanggungpengawa SPRM.

    SIBU: Rayat menua pesisir patut diberi penerang pasal tanggungpengawa komiti Penagang Makai Suap Malaysia (SPRM), ku Residen Bahagian Sibu Hii Chang Kee.

    Ku iya, penerang nya nyengkaum penemu pasal pangka makai suap ngagai komuniti enggau menua.

    Ku iya, entara pangka makai supa ke suah dipeda nyengkaum ngerenggangka takah ekonomi, pemansang enda berurun, meransang sereta nejuka ulah jai.

    “Penyalah makai suap ulih ngasuh pemansang infrastruktur tejanggal ngujungka rayat ringat ngagai perintah sereta tau ngeruga pengelantang sesebengkah menua,” ku iya.

    Ku iya dikena nentuka Malaysia beresi ari penyalah makai suap semua kitai meseti besaup lalu anang semina ngelakka pengawa ngagai SPRM aja.

    Iya madah munyi nya rambau program ‘Kembara Jelajah Anti Rasuah’ 2017 (KEJAR 17) ba Rumah Catherine Tamoh ditu ensanus.

    Ngelansa pasal KEJAR 17, Hii madah andal pengawa nya deka mai pengarap ke baru ngagai SPRM dalam ngerembaika penerang pasal anti makai suao ngagai semua rayat Malaysia.

    “Ngagai sida ke bedau ngelala SPRM, aku pechaya udah tu sida deka lebih ngelala sereta meri kerejasama ngagai SPRM,” ku iya.

    Sama bisi datai Ketuai Pampang SPRM Sibu Jutim Nyagam, Sapit Ketuai Polis Sibu Superintenden Martin Koo enggau Tuai Rumah Catherine Tamoh. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads