Header Ads

  • Berita Tebaru

    RM1 biliun enda chukup, ku Manyin

    Manyin bejaku ngagai pemberita di Kuching pagi tadi.
    Sarawak begunaka RM4 biliun dikena ngaga sekula baru di menua pesisir.

    KUCHING: Agih belanja RM1 biliun ba Bajet 2018 dikena ngaga sekula baru di menua pesisir semina ungkup 40 tauka 50 sekula aja, ku Menteri Pekara Pelajar, Sains enggau Pansik Teknologi Dato Sri Michael Manyin.

    Iya madah Sarawak diatu bisi 415 sekula ti udah balat jai ke alai pengawa nganti sekula nya enggau ke baru begunaka RM4 biliun.

    Nambahka nya, Manyin madah RM1 biliun ba Bajet 2018 ke dibantai Menteri Besai kemari ukai pekara baru.

    "Agih belanja nya udah dulu dikemendar sebedau bajet. Kitai udah lama nagih lalu diatu benung berunding chara melanja duit nya.

    "RM1 biliun enda chukup. Enti deka ngaga sekula nitihka stindit, kitai begunaka RM4 biliun,"ku iya.

    Manyin mansutka jaku nya ngagai pemberita pengudah bejadi Konvokesyen Sistem Latih Dual Nasional Renggat Negeri Sarawak 2017 di BCCK ditu, pagi tadi.

    Iya enggau nyemetak madah Sarawak deka nagih laluh RM3 biliun ari Perintah Besai ungkup tuju nya.

    Ku Manyin nambah, pengawa ngaga seiti sekula ke disikap enggau 'lab' sereta endur bemalam begunaka belanja RM20 juta. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: