Rumah PPRT enda digaga manah, bayar ungkup kunteriktor patut ditan. - Berita Iban Online

Header Ads

  • Baru Nyadi

    Rumah PPRT enda digaga manah, bayar ungkup kunteriktor patut ditan.

    MIRI: Kaban Kunsil Nengeri (ADUN) Senadin Datuk Lee Kim Shin enda lantang ati meda asil pengawa ke digaga kunteriktor ti bejalaika Projek Pengawa Berumah Rayat Seranta (PPRT).

    Sebana nya dibantaika iya rambau ngabas sekeda rumah ba sitak Tudan Desaras ti baru tembu dikemanah.

    Maya pejalai ngagai rumah nya, dia Lee meda rumah nya enda dikemanah enggau meruan lalu dipeda digaga tinchai aja.

    Lee ke mega Menteri Muda Dagang Temuai, Seni enggau Main Asal madah iya beratka pekara nya lalu enggai meda pengawa baka nya digaga ungkup rayat.

    “Ngagai rumah ke kurang menyana lepas digaga, aku deka ngasuh Pemesai Opis Kaunsil Pelilih Miri ngetan bayar ungkup kontraktor bekaul.

    “Sida deka dibayar pengudah pengawa nya diperati baru sereta ngemanah baru sekeda rumah ke nadai digaga manah,” ku iya madah ngagai pemberita ensanus.

    Nitihku Lee, urung 10 buah rumah udah dikemendar dikemanah nengah PPRT.

    Ku iya, ungkus ke diguna dikena ngemanah rumah tu iya nya sebuah RM12,000. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads