Header Ads

  • Berita Tebaru

    Sarawak endang seruran ngemeratka jaku kebangsaan

    PENGINGAT: DR Hazami nyuaka tepa ngagai Awang Tengah seraya Dr Sallehudin enggau Morliah ngemata.
    LAWAS: Sarawak ngena chara ti engkeman ngetanka Jaku Malaysia sereta meransang pengelandik ba Jaku English sereta penemu ba jaku bukai kelebih agi ba dunya pemansang teknologi enggau ekonomi.

    Sapit Kepala Menteri enggau Menteri Pemansang Mengeri Enggau Pengeraja Asal Kedua Datuk Amar Awang Tengah Ali Hasan mansutka pekara tu rambau ngemunka pansik jaku, sejarah enggau main asal Lawas sereta pengawa ngintu ‘Bulan Bahasa Kebangsaan’ renggat nengeri Sarawak, diatur di Hotel Seri Malaysia kena malam Hari Minggu.

    “Sarawak enda muai jaku kebangsaan tang dekaka nya bela ngerembai nyadi jaku dunya nyadi jaku ti berega, bela angkat enggau pengerembai ekonomi menua,” ku iya.

    Ku iya, jaku kebangsaan nyadi penyukung sistem perintah ti nyadi jaku dikena ngatur kereja, penemu, dagang enggau komunikasyen menua sereta mega iya udah seruran ditegap sereta dikerembai kenyau ari menua nyapai merdeka enam dekad ke udah lalu ditangkan pengawa numbuhka Malaysia.

    Iya nyemetak madah ba pekara ke nyadi diatu rayat ari menua ribai belajarka jaku Mandarin di China berindik ari menua nya udah mansang nyadi palan ekonomi dunya sereta outreach ti besai.

    Sejarah udah ngayanka jaku Jipun, Peranchis tauka Jerman udah dipelajar orang bukai laban menua nya udah nyadi menua mansang, ti meri nilai ekonomi ngagai jaku nya.

    “Kami meransang peranak Sarawak nguasa mayuh jaku nyadika penegap sida enggau ubah ti enda ulih diseliah dalam atur dunya ke mangka kitai,” ku iya.

    Awang Tengah, ke mega Menteri Industri enggau Pemansang Pengawa Dagang madah endang [atut nyukung batang jaku bansa tang iya meseti mansang sereta belubah ngerambai nyadi jaku ti relevan enggau dinamik ba tikas nasional enggau dunya.

    “Sebarang jaku ti terus statik tauka enda berubah deka nyadi enda relevan nyema iya enda ngerambai nyerumba ubah enggau pemansang dalam dunya,” ku iya.

    Iya nandu ke alai Jaku Melayu di dunya tu mega dikerambai ari Asia Tenggara ngagai dunya Barat enggau palan pansik di United States (US), Holland, China enggau menua ke bukai, lalu iya empu udah tetemuka orang Barat ti ngena jaku Melayu dalam benua ke bukai.

    Dulu agi ari nya, Sapit Direktor Besai Dewan Pustaka dan Bahasa (polisi) Datuk Dr Haji Abang Sallehuddin bin Abang Shokeranin dalam jaku dipansutka iya madahka diri enda ngenggaika pengawa bekenaka Jaku English enggau jaku bukai di Malaysia.

    “Kitai semina deka nyamin ke alai batang jaku bansa meseti enda dibuai/dilengka laban tu aspirasyen perintah kenyau ari kitai nyapai Merdeka,” ku iya.

    Ku iya, lebih ari 200 aktiviti dirintai dalam Bulan Bahasa Kebangsaan, lalu iya nyukung pemansang jaku raban etnik di Sarawak ari pengawa dokumentasyen iya.

    Peranak asal ari raban etnik, bepun ari komuniti Iban, udah berengkah lalu deka dikeluar seraya raban etnik ke bukai mega nganti gintir diri.

    Iya mega merambu ngagai DPB ngambi ensiklopedia ungkup Lawas ngambika nulis pasal pemanah Lawas enggau pengeraja asal, main asal enggau jaku pesaka iya.

    Sama bisi datai bini Awang Tengah Datuk Dayang Morliah Awang Daud, Pemesai Pelilih Lawas Hussaini Hakim, Dirketor DBP Sarawak Dr HazamiJahari, Professor Dr Zaharani Ahmad, Datu Dr Sabin Said, Menijar Besai Amanah Kahirat Yayasan Budaya Melayu Sarawak sereta bala ke bukai. #UtusanBorneo

    No comments

    Post Top Ad