Sekula menua pesisir amat begunaka ‘broadband’ ti deras. - Berita Iban Online

Header Ads

  • Baru Nyadi

    Sekula menua pesisir amat begunaka ‘broadband’ ti deras.

    BEGUNA AMAT: Rengka Servis Satelite Broadband di SMK Balleh ti udah mujur dilekat sereta diakun. -Gambar Konsortium Bumi Consultants and Services

    KUCHING: Sekula Sekondari (SMK) Balleh di Kapit udah berengkah ngena Servis Broadband Satelit.

    Projek servis broadband satelit diberi kuasa ari rebak pemadu baru Hughes Network Systems. Nya nyadi pelasar satelit ti pemadu mayuh dikena di dunya, lalu nyadi siti ari ti keterubah ngena standard DVB-S2x dalam sistem JUPITER™ iya ungkup guna ti menyana agi ari satelit broadband.

    Servis tu nyengkaum ngerembaika infrastruktur ngagai sekula bukai ti sama di nengeri tu enggau naka peneras ke ulih.

    Sekula tu semina siti ari kandang menua tu enda kena bungkur internet.

    Broadband ke deras beguna endar dikena mutarka penanggul enda ulih disambung, kelebih agi sekula di menua pesisir Sarawak.

    Taja mayuh pengawa dipejalai dikena ngemanahka infrastruktur enggau ngadaka servis arus penyambung baru ti manah agi, tang agi tubah sekula di menua pesisir di Sarawak nadai sebarang sambung broadband.

    Sapit Kepala Menteri Tan Sri Datuk Amar Dr James Masing, ke mega Menteri Pemansang Infrastruktur enggau Perengka Pengangkut, madah ‘randau’ ngelingi sambung broadband dalam sekula suah agi ngemeratka pekara ngangkatka pemanah pelajar sereta ngemesaika peluang ungkup pemujur sida.

    “Ke bendar iya, implikasyen akses broadband besai agi bungkur . Broadband tu beguna endar dikena nentuka sekula, bala nembiak ulih besemekih dalam ekonomi digital,” ku Masing, ke mega Kaban Kunsil Nengeri (ADUN) Baleh.

    “Bala nembiak tu rebak ti nyadi pekereja dudi hari. Nya alai, penau gawa ba dunya digital endang patut bisi ungkup sida ngambika ulih idup. Kitai, nyadi ketuai madahka ekonomi kitai dudi hari nyadi siku ari ketuai dalam ruang industri digital.

    “Nya alai beguna endar kededua raban kitai ke diatu enggau pekereja rebak dudi hari meretika baka ni kereban gawa digital,” ku iya.

    Ku Masing nambah, pengawa nyendiaka internet udah sedia nambah enggau ngadaka sambung internet tang kitai enda ulih bejalaika servis ba kandang menua enggau nadai sebarang penguntung ba puku ti diperanak.

    “Enda ulih kelebih agi ketegal peranak Sarawak diau ngachir sereta gaya rampa menua.

    “Nya alai, sekalika nengah insentif perintah tauka atur polisi perintah nengeri meseti beratika pemuntan makit tu enggau jampat.

    “Kaban kunsi perintah-peribit enggau pilih ari teknologi ulih ngatika diri, baka ti udah dikemansang di menua bukai, chunto ti manah ba pejalai pengawa positif ngagai pemar tu,” ku iya.

    Dikena nangkup peminta jampat nyediaka sambung internet ngagai kandang menua ti dikumbai enda ulih disambung sereta nadai pulaika penguntung, Integrated Access Communication Sdn Bhd, kompeni kerejasama antara Sanjung Etika Sdn Bhd enggau Exuscor Sdn Bhd, co-sponsored ari Telbina Technology Sdn Bhd nengah sukung teknologi ti disediaka Konsortium Bumi Consultants and Services Sdn Bhd, udah ngemendarka pengawa ngepunka Satelite Broadband Service di SMK Balleh, Kapit.

    Servis tu deka nentuka sekula nya bisi makmal komputer kediri, bilik kelas enggau opis besai disambung terus ngagai Internet nengah satelit. Satelit nya nyeNdiaka peneras download 10Mbps (diangkatmanah ngagai 100Mbps). Sambung nya deka mantu ngemesaika agi bungkur sambung internet di Sarawak ari ke diatu, 53 peratus (enggau pukul rata peneras 4Mbps) ngagai 95 peratus (enggau pukul rata peneras 30Mbps) datai ba taun 2020.

    Penambah sambung ngagai komunikasyen broadband satelit, kelebih agi ba kandang menua ulu Sarawak, deka mantu sekula di menua ulu ngadaka peluang ungkup bala nembiak sida nyerungkai enggau nyapai pemansang pelajar sebaka enggau sekula di mengeri dalam menua tu.

    “Nentuka nembiak ke diau ba kandang menua ti enda disambung tauka di baruh servisbroadband, teretrial beguna endar ungkup ekonomi nengeri tu,” ku Masing nambah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads