Siku chalun PBDS deka dikirai bepilih ba Parlimen Kapit rambau PRU14. - Berita Iban Online

Header Ads

  • Baru Nyadi

    Siku chalun PBDS deka dikirai bepilih ba Parlimen Kapit rambau PRU14.

    SIBU: Penuduk Parlimen Kapit dipelabaka deka ‘richah’ enggau penatai seiku chalun baru ti didinga deka nyatup Datuk Alexander Nanta Linggi bediri ba penuduk nya maya Pengawa Bepilih Besai ke-14 (PRU14) ti deka datai.

    Nitihka penerang ke endang ulih dipechaya, chalun tu dipadahka seiku ari raban Parti Bansa Dayak Sarawak (PBDS) Baru ti udah nerima sukung ke manah ari rayat ba parlimen nya.

    Taja pan baka nya, empai bisi penerang nyemetak ari parti nya madahka sapa chalun sida ti deka ngelaban Nanta ba penuduk nya.

    Penerang ke ditemu naka ke diatu, chalun ti belabuh didinga rita deka bediri tu iya nya iya endang peranak menua asal Kapit sereta mega seiku ex-soldadu kelimpah ngembuan penemu enggau peneleba ke chukup dikena ngirai diri matak runding rayat dia ngasaika ubah baru.

    Iya mega dipadahka endang dikelala rayat menua Kapit kelimpah chakah bejalaika pengawa ke bekaul enggau bansa Dayak.

    Nyadika rikod, maya PRU sebedau tu, Nanta ari BN-Parti Bumiputera Besatu (PBB) bulih 13,446 iti undi ngalahka Ramli Malaka ti ngarika chalun ari Parti Tindakan Demokratik (DAP) ke bulih 3,715 iti undi.

    Kelimpah ari nya, DAP mega bisi didinga rita nguji nganjung manuk sabung sida bela ngelaban Nanta ba PRU serak tu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads