Siku tuai rumah kena lantak, saksi dipinta mantu polis. - Berita Iban Online

Header Ads

  • Baru Nyadi

    Siku tuai rumah kena lantak, saksi dipinta mantu polis.

    SARATOK: Raya bakal ba pala enggau tubuh ngujungka Tuai Rumah, Lemong Landi, 63, ari Mendas Asal, ditu bebadu nyawa ba penusah lantak lari ke nyadi lemai ensanus.

    Ketuai Polis Pelilih (KPD) Saratok, DSP Mordani Tanin madah, niang siku orang gawa bumai dikenuku mutus seput maya diperubat ba Unit Emejensi Sepital Saratok pukul 8.30 malam.

    “Penusah tu dipelaba nyadi urung pukul 7.20 malam ba Kilometer 53 Jalai Sarikei/Betong.

    “Tuai rumah nya kena lantak sebuah kerita ke nadai dikelala maya iya benung bedarat ditemu mensia mayuh gegaring ba tisi jalai.

    “Niang ke bedau ngeleda terus dibai raban perubat ngena ambulans ari Sepital Betong ti engkeman bendar mansa palan nya maya sida mulaika diri ari Sibu,” ku iya madah nengah penerang media, kemari.

    Penusah tu deka dipansik nitihka Seksyen 41(1) Akta Pengangkutan Jalan (APJ) 1987.

    Nitihku Mordani, pengawa nyidi deriba tauka entukar ke bekaul enggau penusah nya benung dipejalaika raban polis.

    “Nya alai, kitai nesau sebarang sapa piak ke bisi penerang tauka saksi ba penusha tu, datai mantu mansik kes nengah chaa meri penerang ngagai balai polis besemak,” ku tandu iya.

    Ba penusah ke sebaka mega, piak ari Bala Bomba enggau Penyah Penusah Saratok terus berumban ngesah palan penusah pengudah nerima penerang lalu nyempulang pejalai raban perubat mai iya ngagai Sepital Saratok’. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads