SUPP dikemendar nganjung nama chalun ungkup PRU14. - Berita Iban Online

Header Ads

  • Baru Nyadi

    SUPP dikemendar nganjung nama chalun ungkup PRU14.

    KUCHING: Parti Sa’Ati Rakyat Sarawak udah (SUPP) diberi pemendar nganjung chalun bediri ba semua tujuh sitak parlimen ke sigi ungkup parti ba Pengawa Bepilih Besai Ke-14(GE14).

    Presiden SUPP Datuk Dr Sim Kui Hian madah maya Aum Kunsil Besai Barisan Nasional kena 8 September tu tadi, formula agih penuduk maya ke diatu enda diubah.

    “Chairman BN(Datuk Seri Najib Tun Razak) udah madah semua penuduk tradisional enda diubah,’ku iya bejaku ngagai pengarang berita pengudah nyuaka geran di Indu opis SUPP ditu, kemari.

    Tujuh penuduk ke sigi ungkup SUPP iya nya Bandar Kuching, Stampin, Serian, Sarikei, Sibu, Lanang enggau Miri.

    Ba PRU13 ke diatur ba taun 2013, SUPP semina menang di Serian tang alah di lima penuduk ngagai DAP sereta seiti ngagai PKR.

    Ngenang kaul ke sama, Dr Sim madah parti setuju enggau penerang ke digaga ketuai BN Nengeri diak gempung BN ulih menang 27 tauka 29 penuduk ari semua 31 penuduk parlimen.

    Ku iya, pekara nya mandangka parti bukai dalam gempung BN chukup pechaya SUPP ulih ngerampas sekeda penuduk pulai.

    “Penuduk ke deka diambi pulai semina penuduk ke diarika SUPP. Kitai gaga ketegal sida bisi pengarap kitai ulih ngambi pulai penuduk nya.

    “Dulu suba, nadai orang arapka kitai ke alai SUPP diatu chukup tegap arika dulu,’ku iya.

    Dr Sim ke mega Menteri Opis Kunsil Kandang Menua enggau Pengawa Berumah ngenang jaku ke dipansut Sapit Kepala Menteri ke mega Presiden Parti Rakyat Sarawak(PRS)Tan Sri Datuk Amar Dr James Masing enggau Sekretari Besai BN Dato Sri Dr Stephen Rundi.

    Seduai madah BN Nengeri deka ngenan 25 penuduk pengudah GE13 lalu disadang ngambi pulai dua tauka empat penuduk ari penyakal.

    Kemari, 42 gerempung nerima geran ari DR. Sim ke alai geran nya datai ari agih belanja iya ke nyadi senator, ADUN Batu Kawa sereta menteri.

    Bela datai Sekretari Politik ngagai Kepala Menteri ke mega Ketuai bagi Nembiak SUPP Tan Kai enggau Sekretari Bagi Pemadah Nembiak Milton Foo. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads