TEGAS deka ngatur FBT kena 14 Oktober tu. - Berita Iban Online

Header Ads

  • Baru Nyadi

    TEGAS deka ngatur FBT kena 14 Oktober tu.


    KUCHING: Tabung Ekonomi Gagasan Bumiputera Sarawak (TEGAS) deka ngatur Forum Belia Tegas (FBT) ba Pusat Konvensyen Borneo Kuching (BCCK) ditu, kena 14 Oktober tu ila.

    Menteri Muda Nembiak enggau Lumba enggau Main Datuk Snowdan Lawan madahka forum nya deka mekuh ngagai penyereta nembiak ti beumur 18 ngagai 35 taun iya nya dikena nerangka pasal polisi pemadu baru pasal agenda transformasyen nengeri kelebih agi bekaul enggau ekonomi digital.

    “Maya forum nya Kepala Menteri Datuk Patinggi Abang Johari Tun Openg bejuraika topik ‘Transformasi Sarawak Menerusi Ekonomi Digital’,”ku iya ba aum pengarang berita di BCCK ditu, kemari.

    Nitih ku Snowdan, agi mayuh anak Sarawak kelebih agi raban nembiak ti patut dipadahka nama reti ekonomi digital sereta empas ngagai nengeri.

    “Urung 35 peratus nembiak kitai ari penyampau pemayuh tubuh mensia di nengeri tu patut meretika tuju enggau empas ekonomi digital laban enti enda, sida deka tusah ngaul diri dalam agenda transformasyen nengeri,” ku iya.

    Nya alai, Snowdan melabaka urung 4,000 iku nembiak deka masuk forum nya.

    Bala nembiak ke bisi ati deka masuk forum tu tau ngerejister chara online ba www.fbt17.eventbrite.com. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads