Teng: Kaul enggau rayat seruran majak ditegap. - Berita Iban Online

Header Ads

  • Baru Nyadi

    Teng: Kaul enggau rayat seruran majak ditegap.

    BEGULAI ENGGAU RAYAT: Teng (duduk tengah) begulai enggau peranak Rumah Naning di Sungai Sentebu dalam sitak DUN Repok.

    SARIKEI: Seksyen Nembiak Parti Sa’ati Rakyat Sarawak (SUPP) pampang Sarikei deka ngemajakka pengawa betemu enggau mensia mayuh dikena ngenegapka tanggam kaul sereta kerejasama enggau peranak di menua nya.

    Ketuai Pampang Nembiak, Teng Ung Woo penemuai nya mandangka pengelurus ati SUPP kelebih agi Barisan Nasional (BN) nyendia servis ke manah sereta ngintu pengelantang pendiau rayat.

    “Pengawa regas betemu enggau rayat ukai semina dikereja maya pengawa bepilih aja laban nya ukai chara BN gawa ke rayat. Siti ari chara iya nya suah betemu enggau rayat ngambika kami meretika penanggul lalu ngiga chara mutarka nya,” ku iya.

    Nya alai, dalam kandang lima taun pengudah tetiap pengawa bepilih, sida ngabas sekeda menua abis nadai sekali, ku iya.

    Penemuai sekali tu sebagi ari pengawa nyendiaka diri napi pengawa bepilih besai ti deka diatur sebarang maya sebedau tengah taun baru, ku iya madah.

    Nya dikena netuka chalun ke dipilih BN ulih ngerampas pulai penuduk nya ari penyakal, ku Teng ke emga siku ari rintai pandak chalun SUPP ke deka minta bediri minta pilih ba sitak Sarikei maya PRU tu ila.

    Sida udah nemuai ngagai semua kandang menua ke ari baruh sitak Parlimen Sarikei ke mungkur sitak DUN Meradong enggau Repok, pia ku Teng ti mega Sekretari politik Kepala Menteri. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads