12 Kolej STEM diperambu deka dibuka ba Sarawak taun baru - Berita Iban Online

Header Ads

  • Baru Nyadi

    12 Kolej STEM diperambu deka dibuka ba Sarawak taun baru

    STEM Malaysia
    SARIKEI: Urung 12 buah Kolej Pengelandik Teknologi, Injinir enggau Matematik (STEM) diperambu deka dibuka taun baru, ku Ketuai Pemesai Eksekutif Gerup STEM, Datuk Reghu Bhaskaran.

    Ku iya, semua kolej tu deka dibuka ba serata Sarawak nyadi atur dikena nempa mayuh agi nembiak rebak baru ngembuan pemandai dalam bidang bidang teknikal enggau pengelandik.

    Nitihku iya, pengawa muka kolej nya diselinting ngagai komuniti ke ngembuan pengerindu belajarka kus ke bisi disedia.

    “Kolej STEM nyendiaka bemacham kus manah ungkup nembiak kelimpah subjek baru ke ulih matak pengerindu sida belajarka sains enggau teknologi sereta bidang bukai.

    “Ambika chunto bidang muzik, dunya robot ungkup nembiak lalu dipelajar silik bepelasarka pengawa betanam betupi enggau dagang,” ku iya ditu kemari.

    Reghu madah, Sarawak ngembuan mayuh nembiak ke ulih landik sains enggau teknologi.

    Nya alai, pengawa ransing beguna amat dikena nentuka nembiak rebak baru enda atinggal dalam bidang ke beguna amat tu.

    “Atur milih nembiak masuk kolej STEM dibuka ngagai nembiak ke beumur ari semilan taun nyentuk universiti, kelimpah apai tauka indai tunggal ke belajar ba kolej tu.

    “Juluk kitai deka nambah pampang ba Sarawak nyadi nyata bepelasarka timbal positif enggau kerejasama ari sekula, kolej enggau universiti menua tu,” ku iya.

    Berindik ari nya, nembiak patut bebendar mutar sereta ngubah penemu ke ngumbai subjek sains enggau matematik mar.

    Kolej Pengelandik STEM diatu bisi dibuka ba Sarikei lalu mensia mayuh ulih meda ba laman web mystem.edu.my alai beratika penerang silik.

    “Bidang STEM benung ngerembai ba serata dunya bepelasarka  atur moden enggau pangka pemansang ekonomi bepelasarka digital,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads