Header Ads

  • Berita Tebaru

    123 iku nembiak SK Abang Leman ngulu program licha, eksibisyen bekaul dadah

    Sekolah Kebangsaan Abang Leman
    KABONG: Ejensi Anti Dadah Menua (AADK) Pelilih Betong udah ngatur Program Licha enggau Eksibisyen Anti Dadah AADK ba Sekula Primari (SK) Abang Leman, ensanus.
    Program tu digulu 123 iku nembiak Primari 6.

    Ketuai Opis Pelilih (KD) Ejensi Anti Dadah Menua (AADK) Pelilih Betong, Sapini Jalani madah, batang tuju program tu diatur dikena meri penyedar bekaul enggau pemedis ke ulih nyadi ketegal salah guna dadah.

    “Penyedar sentang pemedis ketegal dadah chukup besai guna lalu piak AADK deka seruran bejalaika tanggungpengawa dalam bejalaika atur licha nagang, neritka undang-undang, merubat enggau ngatur program eksibosyen ba sekeda endur.

    “Kami ngarap nengah pengawa ngatur program penyedar baka tu ulih meri penyedar ngaga semua pasal sentang pemedis ketegal dadah ti udah dirintai nyadi munsuh lumur satu menua kenyau ari suba nyentuk diatu.

    “Kami deka meda mensia mayuh, lebih agi bala nembiak sekula nemu pasal keruga dadah ke nadai ngira orang sekalika sida nyadi pengidar tauka nyadi orang ke seruran ngiga orang ngambika gian dadah,” ku iya.

    Nengah program nya mega, Sapini mega madah tanggungpengawa apai indai enggau diri sebilik sereta komuniti besemak chukup diguna dikena nagang pengerembai dadah ba dalam komuniti.

    Tambah mega, kerejasama semua piak beguna amat dalam mutarka penanggul tu nyentuk iya ulih dipunas.

    Sama bisi datai ngulu program tu iya nya Pemantu AADK Pelilih Betong, Normanizam Narudin. #UtusanBorneo

    No comments

    Post Top Ad