150 iku pemekit udah ngulu Pekit Nginti Shimano Sibu 2017 - Berita Iban Online

Header Ads

  • Baru Nyadi

    150 iku pemekit udah ngulu Pekit Nginti Shimano Sibu 2017

    ARAM BERENGKAH: Ben (ari mua) disempulang Ting ngelai pekit berengkah.
    SIBU: Ikan lajung berat 1.2 kilogram mai tuah ngagai Siao Wei Huong sepengudah iya ngempu gelar champion ba Pekit Nginti Shimano Sibu 2017.

    Enggau tu iya pulai enggau perais mata duit RM3,000, kereban nginti sereta trofi.

    Penuduk lumur dua enggau tiga maya tu diempu Ibrahim Jim enggau Carton Atong.

    Seduai mai perais mata duit RM800 enggau RM300 sereta bela disempulang kereban nginti enggau trupi.

    Bala pemekit ke bukai iya nya Wong Diong Ching, Edwin Omang, Tiong Kiet Poh, Shu Tuong Kah, Leong Kuok Ming, Nurhalim Abu enggau Lai Chui Poh mai perais mata duit RM100.

    Pekit ke diatur Kelab Nginti Sibu lalu dipelanja Shimano (S) Pte Ltd Singapo sereta disaup Oft Pancing Sdn.Bhd ba penyangkai Jalai Ding Lik Kong ditu digulu urung 150 iku pemekit, kilah ensana.

    Pekit tu dipenyadi Penyanding penemu Kelab Nginti Sibu Penghulu Ting Teck Lai.

    Chairman Kelab Nginti Sibu Ding Hua Sing enggau pengari Shimano (S) Pte Ltd Singapo Ben Azryll Akhtar sereta chairman komiti pengatur Kong Leong Chai bela datai maya tu. #UtusanBorneo

    MENANG: Ting (kanan) nyuaka perais ngagai Siao.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads