Agi bisi pengereja pengawa Sabah, Sarawak ‘dieksploitasi’ - Berita Iban Online

Header Ads

  • Baru Nyadi

    Agi bisi pengereja pengawa Sabah, Sarawak ‘dieksploitasi’

     Ali Ahmad
    MUKAH: Agi bisi ‘eksploitasi’ pengereja pengawa lebih agi ba raban staf swasta ba nengeri.

    Sapit Presiden Gerempung Pekara enggau Pengemata Penguna Sabah (CAPS) Ali Ahmad madah, agi bisi pengereja pengawa diasuh gawa 12 jam sehari enggau gaji urung RM720 sebulan.

    “Reti nya eksploitasi pengereja pengawa agi bisi nyadi ba Sabah enggau Sarawak,” ku iya madah ngagai Utusan Borneo ditu kena Hari Dua tu tadi.

    Nitihku iya, pekara tu enda patut nyadi enti raban Opis Pengereja Pengawa bejalaika pengawa sida nitihka pematut.

    Tu betuju nentuka hak pengereja pengawa dijaga sereta enda dikemeli kelimpah atur gaji minimum RM920 meseti diterima seriris enggau jam gawa lapan jam sehari.

    Ku iya, pekara nya mega mandangka penemu pengereja pengawa ke agi pabu bekaul enggau undang-undang pengereja pengawa.

    “Bepelasarka intebiu dipejalai ba mayuh kes ba Opis Pengereja Pengawa tang nya setengan jalai laban pengaji udah sida nemu terus berunding enggau orang ti kompelin,” ku iya.

    Pekara baka tu semina ngerugi pengereja pengawa bukai lalu nyangka semina siku pengereja pengawa diperunding tauka ditikika gaji.

    Nya alai, iya minta opis bekaul ngelalaika nama orang ti ngaga kompelin dikena nyeliah pekara sebaka nyadi baru.

    Kelimpah nya, Ali madah tebal agi pengereja pengawa swasta nadai diberi slip gaji.

    “Sida (pengereja pengawa enda nemu sekalika bisi diputung sebarang tauka putung bukai ngagai gaji ke diterima ninting bulan,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads