Agih RM409 juta patut mungkur jalai nuju tanah tinggi, ku Baru Bian - Berita Iban Online

Header Ads

  • Baru Nyadi

    Agih RM409 juta patut mungkur jalai nuju tanah tinggi, ku Baru Bian

    Yb Baru Bian
    KUCHING: Kaban Kunsil Nengeri (ADUN) Ba’kelalan Baru Bian madah agih belanja ungkup pekara pemansang patut nyengkaum pengawa ngaga jalai nuju tanah tinggi enggau menua ulu.

    Bejaku rambau Aum Kunsil Nengeri (DUN) bejurai Bajet Nengeri 2018, Baru madah tebal agi agih belanja ungkup atur penyambung dikena ngaga jematan.

    Ku iya, agih belanja RM409 juta nya nadai mungkur pengawa ngaga jalai nuju tanah tinggi enggau menua ulu.

    “Aku muji pengawa perintah nyendia 53 peratus ari bajet pemansang ungkup menua pesisir.

    “Ba atur ngemanah atur penyambung, RM409 juta tebal agi dikena ngaga jematan ke alai aku enda lantang ketegal pengawa ngaga jalai nuju tanah tinggi enggau menua ulu enda disebut,”ku iya.

    Baru nambah kepala menteri udah nemu premium ari kereja batang di tanah tinggi mai pemisi belanja ke besai ngagai nengeri.

    “Pekara tu tusah diterima peranak ke nguwan tanah tinggi ti udah mai pemisi belanja ngagai nengeri.

    “Baka ke pengawa sida (peranak tanah tinggi) enda dikenang,”ku Baru.

    Rambau mantaika Bajet Nengeri 2018 ba Hari Keterubah Aum DUN, Abang Johari ngagihka penyampau RM8.226 Biliun ungkup timpuh nya.

    Ari penyampau nya RM5.745 Biliun ungkup tuju pemansang lalu laluh RM2.481 biliun ungkup belanja operasyen. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads