Header Ads

  • Berita Tebaru

    Anang ngelak anak tinggal ba pelajar tumu

    Adam Yii
    MIRI: Apai indai enda patut nejuka bala anak sida tinggal dalam pelajar tumu tang bela begulai ngerembaika pengulih enggau penyapai sida ba umur biak.

    Datuk Bandar Miri, Adam Yii madahka apai indai bisi pangku pengawa besai endar ba pekara nentuka kuing penyulut bala anak dalam akademik enggau kokurilum.

    “Apai indai patut ngaul diri sereta nyukung program diatur di sekula ngambika sida nemu pasal pengerembai akademik enggau kokurikulum anak,” ku iya rambau Pengerami Konvokesyen Ke- 27 Tadika SeDIDIK SEDC Zon Miri kemari.

    Berebak enggau nya, apai indai patut ngelimpangka mayuh agi awak begulai enggau bala anak ngambika mantu sida ngaga kereja sekula, nambahka komunikasyen enggau ke bukai.

    “Kitai pechaya kaul apai indai ti manah sereta chakah meri pangka ti manah ngagai penyapai enggau pemujur pengulih bala anak,” ku iya.

    Nangkan nya, apai indai ulih belajar enggau bala pengajar chara mutarka penanggul ba ulah bala anak sereya meretika pekara ti udah tauka deka dipejalaika di sekula.

    Adam meransang raban kereja SeDIDIK ngambika terus meri servis pemadu manah enggau meruan ngagai bala apai indai, anak enggau komuniti.

    “Maya pelanggan pulai baru ngagai SeDIDIK, tu deka mantu ngangkatka pemanah nama SeDIDIK nyadi palan pelajar tumu enggau nyeridi bala anak mit dipilih di Sarawak,” ku iya.

    Berebak enggau pengerami nya, bisi 100 iku nembiak beumur enam taun nerima setipikit sida, kelai udah tembu belajar ba Program Pemansang Ruang Bilik enggau Nembiak Mit.

    Pengerami nya mega nyadi awak ngenang semua apai indai ti udah meri kerejasama enggau sukung ngagai pemansang program diatur SeDIDIK.

    Bisi 10 iku nembiak mit nerima Anugerah Anak Mit Pemadu Manah ditangkan 10 iku agi nerima Anugerah Pemutus Pemadu Manah Peresa Pengelandik Pemun.

    Sama bisi datai pengari Menijar Besai SeDIDIK Ayub Dahari, pengari Pemesai Pelajar Pelilih Miri Ashaar Bujang, Pemesai Penguasa SEDC Miri David Terawe enggau Menijar Operasyen SeDIDIK Zon Miri Fatimah Sual. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: