Bagi Menua Sarikei diangkat nyadi Agro Park - Berita Iban Online

Header Ads

  • Baru Nyadi

    Bagi Menua Sarikei diangkat nyadi Agro Park

    Datuk Amar Douglas Uggah
    KUCHING:  Lima ratus kandang menua di Bagi Menua Sarikei dikelala diangkat nyadi Agro Park.

    Sapit Kepala Menteri Datuk Amar Douglas Uggah madah Agro Park nyadi seiti inisiatif baru Perintah Nengeri ba pengawa betanam betupi.

    “Inisiatif tu nyendia tanah suwa ngagai orang bekebun ti nadai tanah ngambi ulih dikena nambah pemansut pemakai nengeri.

    “Perintah deka nyendia tanah ke udah dibagi ngagai lot ungkup pengawa betanam betupi.

    “Tanah deka disuwa ngagai orang bekebun ti bisi potensial ti ngembuan pengulih nguna teknologi digital enggau internet dikena ngelaku produk,”ku Uggah.

    Iya mansutka jaku nya rambau nyimpul jurai Aum DUN Ke-18, Penggal Kedua di Komplek DUN ditu, kemari.

    Iya ke mega Menteri Betanam Betupi Moden, Tanah Adat enggau Pemansang Kandang Menua nambah Perintah deka nyaup nyendia perengkaguna, utiliti enggau servis teknikal.

    “Orang bekebun ke nyereta program Agro Park ri begunaka bantu belanja tau ngenataika pinta ngagai opis menteri,”ku iya.

    Ngenang kaul ke sama, perintah mega berunding numbuhka Agro Park di Pelilih Samarahan. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads