Bansa asal alah ba pechara kes Tanah NCR ketegal ulah Perintah BN Sarawak - Berita Iban Online

Header Ads

  • Baru Nyadi

    Bansa asal alah ba pechara kes Tanah NCR ketegal ulah Perintah BN Sarawak

    Rapelson Richard Hamit
    KUCHING, Nov 13: Komiti Khas Pemakai Menua (PM) enggau Pulau Galau (PG) ti betuaika Sapit Kepala Menteri Datuk Amar Douglas Uggah udah enda mujur netapka definisi PM enggau PG.

    Ketuai Nembiak PBDSB Rapelson Richard Hamit madah, komiti nya dipeda begunaka timpuh ke panjai lalu nyadika kebuah bansa asal alah ba kes pechara tanah NCR.

    “Pemutus Kort Federal nulak hak bansa asal ba NCR meri empas besai ba status ngempu tanah adat di nengeri tu.

    “Ketegal nya bansa asal ditu ti diarika mayuh bengkah etnik ngadu gempuru ba mua Kort Federal kena Nov 7 tu tadi.

    “Gempuru ke sama mega deka diatur ba laman bangunan kunsil nengeri (DUN) kena Nov 13,”ku Rapelson.

    Berindik enggau nya ku iya nambah, Uggah bisi mansutka jaku tangkan madahka gempuru nya enda ulih mutarka isu NCR.

    “Perintah BN Sarawak nulak hak rayat nengeri tu lalu nuduh penyakal nguna isu nya ungkup pemaik politik.

    “Tang sekalika sida nemu Perintah BN ke ngirit kes NCR ngagai Kort Federal,” tanya Rapelson.

    Raphelson madah, naka ke diatu bisi 400 kes NCR nganti tauka benung dipechara.

    “Bansa asal udah menang ba Kort Tinngi enggau Kort Apil tang alah ba Kort Federal.

    “Maya ke diatu kort udah enda ulih dikena agi laban kort Tinggi enggau Kort Apil deka nundaka kes ba Kort Federal ke alai kes Tuai Rumah Sandah, Nyutan enggau Masa ti udah alah ba pechara,” ku iya.

    Mosyen ADUN Ba’Kelalan Baru Bian ti deka ngaga ubah ba Kort Tanah Nengeri ku iya, ditulak Speaker DUN pengudah ditulak 58 YB BN ti betuaika Uggah. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads