Barang ke guna ninting hari dilepas ari GST - Berita Iban Online

Header Ads

  • Baru Nyadi

    Barang ke guna ninting hari dilepas ari GST

    Datuk Seri Najib Tun Razak
    KUALA LUMPUR: Menteri Besai Datuk Seri Najib Tun Razak sekali agi madah ngagai mensia mayuh dia barang ke diguna ninting hari baka minyak makai, gula, garam, beras, tepung enggau ruti nadai kena Chukai Barang enggau Servis (GST).

    “Taun tu #Bajet2018 aku mega madahka semua bansa kereban bacha enda dichukai GST. Barang ke dichukai GST, asil nya dipulaika semua ngagai rayat,” ku iya dalam Twitter rasmi iya, malam kemari.

    Ku Najib, perkara bukai ti enda dichukai GST dalam bajet ti dipejurai kena 27 Oktober tu tadi iya nya servis Opis Kandang Menua (PBT) sereta majalah enggau komik.

    Kelimpah ari nya, import industri minyak enggau gis; import barang ‘big ticket’ baka kapal enggau kapal terbang, struktur terapung sereta pelantar minyak mega dilepas ari GST.

    Pengawa ngatur enggau ngintu bangunan endur diau bestrata ti dibekal pemaju pengawa berumah, pengawa ngaga bangunan sekula enggau rumah jalai pengarap asil ari bantu ti kontrak ngaga nya dikemendar berengkah ari 1 April taun tu tadi sama enda dibungkur GST. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads