Bekerejasama enggau pengajar nentuka penyulut pelajar bala anak - Berita Iban Online

Header Ads

  • Baru Nyadi

    Bekerejasama enggau pengajar nentuka penyulut pelajar bala anak

    Majang Renggi
    BINTULU: Apai indai diansak nyengula sereta nyukung anak sida di sekula di sekula nengah chara bekerejasama enggau bala pengajar dikena nentuka penyulut anak sida.

    Kaban Kunsil Nengeri (ADUN) Samalaju, Majang Renggi madahka apai indai meseti bejalaika pengawa nyadi apai indai enggau manah sereta seruran beratika pemujur akademik anak sida di sekula.

    Iya nyemetak madahka pemesai guna pelajar nyadi kunchi pemujur dudi hari kelebih agi rebak baru ti deka nyadi ketuai menua jemah.

    Ku iya, sida ke diau dalam kandang menua kena bungkur Koridor Kuasa Ulih Dikena Baru Sarawak (SCORE) kelebih agi di Bintulu, mayuh pengawa enggau peluang dagang nganti sida ti ngembuan penemu enggau pengelandik.

    “Kitai enda ulih semina ngemataka aja, kitai meseti nyereta diri dalam pemansang,” ku Majang ba pengerami Anugerah Penyulut Ko-Kurikulum SK St Anthony Bintulu bedau lama udah.

    Sama bisi datai Kepala Pengajar Sekula, Francis Dampa enggau bala pengajar kanan ke bukai.

    Berebak enggau nya, Majang muji sekeda apai indai ke bisi datai ngulu pengerami laban nya deka nyadika peransang ngagai bala anak sida bulih penyulut.

    “Taja pia, apai indai enda tau kelalu bepanggai ba pelajar formal di sekula aja laban nya semina pelasar belajar aja.

    “Belajar tu proses seumur idup,ti bepun ari rumah lalu aku ngarapka apai indai mega bela gawa begulai enggau raban sekula sereta bala pengajar,” ku iya nambah.

    Berindik ari tu penemuai keterubah iya ngagai sekula nya, iya ngemendarka belanja RM8,000 ngagai SK St Anthony Bintulu ari baruh agih belanja iya taun baru. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads