Berunding memanah sebedau meri undi #PRU14, pilih chalun ke bagas gawa, ku Raban AFO - Berita Iban Online

Header Ads

  • Baru Nyadi

    Berunding memanah sebedau meri undi #PRU14, pilih chalun ke bagas gawa, ku Raban AFO

    PENGINGAT KITAI: William Rade(bediri, tengah) lebuh ke begambar enggau komuniti orang bumai di Genturung Pendiau Entayan Keropok bedau lama udah.
    KUCHING: Sebarang parti politik tauka kaban politik ke bisi ati bediri minta pilih ba sitak parlimen Serian maya Pengawa Bepilih Besai Ke-14 (PRU14) ti deka datai meseti beratika belanja pengidup tinggi ti ditapi peranak dia.

    Kaban Seumur Idup Gerempung Orang Bumai Kandang Menua (AFO) Serian, William Rade madahka komuniti orang bumai di Bagi Menua Serian begunaka pemansang betanam betupi ke besai agi.

    Iya ngerara sekeda parti politik ti ngumbai diri udah mai pemansang di Serian, nyemetak madahka parti enda tetangkupka pengarap ati bala pengundi kelebih agi komuniti orang bumai, ke alai ikas pengidup sida nadai berubah menyana agi pengelama 25 taun ke udah.

    “Nya kebuah, nadai pekara ti patut dikemegah maya pengawa bepilih nyau semak. Sida nadai rikod pemanah pengawa ti nyata. Bala sida semina nemu nyangking pemanah pengawa parti komponen ke bukai ti patut dikumbai aku udah ngereja mayuh pengawa ti chukup manah,” ku iya.

    Iya ngansak komuniti orang bukai meri undi sida memanah sereta milih orang ti bagas gawa lalu ulih mantu ngemanahka tikas pengidup sida, abis nadai sebela enggau sebagi ari sida di kandang mengeri.

    “Komuniti orang bumai enda  mudah dipelitik nengah ritotik penerang politik kusung enggau semaya,” ku iya.

    Iya nyemetak madah, Serian amat begunaka pemansang ti meruan  sereta komprehensif, sebela pemansang dalam bidang betanam betupi enggau ke bukai, ti begunaka nembiak rebak baru sereta nagang sida ari ke mindah ngagai menua bukai.

    “Bagi Menua Serian bisi pengulih nyadi palan pemansut pemakai dalam nengeri tu laban ke besemak enggau indu nengeri.

    “Tebal agi ruang bilik orang bumai di Serian rejista nyadi kaban AFO,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads