Bisi 100 iku pedagang kraf nyereta Festival Kraf S’wak 2017, 10-19 Nov - Berita Iban Online

Header Ads

  • Baru Nyadi

    Bisi 100 iku pedagang kraf nyereta Festival Kraf S’wak 2017, 10-19 Nov

    Gambar diambi Chimon Upon
    KUCHING: Bisi 100 iku pedagang kraf ari serata menua ke diatu nyereta Festival Kraf Sarawak 2017 ti diatu diatur di Tebing Sungai Kuching, kenyau ari ensanus (10 November) nyentuk 19 November tu.

    Berambaika jaku ‘Beli Kraf Malaysia’, batang tuju iya nya meransang peranak Malaysia ngambika ngena sereta ngemeranka produk kraf menua tu nyadi gaya idup kelebih agi ba rebak baru.

    “Festival tu mega diatur berebak enggau palan ngatur Lumba Perau Naga Antarabansa ti diatur berengkah ari 10 ngagai 12 November, Festival Pemakai (10 ngagai 19 November) sereta Regata Sarawak (17 ngagai 19 November).

    Pengatur Kraf Malaysia nengah penerang ti dikeluar ditu madah tagit asil bejual ti udah ditetap ungkup taun tu iya nya RM900,000.

    “Festival Kraf Sarawak udah diatur ninting taun kenyau ari 2004. Nya nyata nerima sambut ke chukup manah, diperati nengah rikod ke diulih ari pengawa bejual ninting taun. Dalam taun 2005, festival bisi ngerikodka RM841,798.91 penyampau asil ke diulih ari bejual ti disereta 84 iku pedagang kraf.

    “Dalam taun 2015, rikodasail ari pengawa bejual ngerikod penyampau RM1,009,061.85 lalu taun nyin tadi bisi RM909,123.85,” ku pemadah nya.

    Pemadah nya mega madahka Kraftangan Malaysia udah dikearapka ngaga pekayan rasmi Regata Sarawak – Festival Tebing Sungai Kuching 2017 ungkup Tuai Megai Menua (TYT), Sultan Brunei, Kepala Menteri, kabinet nengeri sereta bala kaban komiti pengatur. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads