Bisi kebuah ubah ba Kod Tanah ditulak ADUN BN, ku Paulus - Berita Iban Online

Header Ads

  • Baru Nyadi

    Bisi kebuah ubah ba Kod Tanah ditulak ADUN BN, ku Paulus

    Paulus Palu Gumbang
    KUCHING: Bala kaban Kunsil Nengeri (ADUN) Barisan Nasional enda nyukung mosyen ke dibai ADUN Ba’Kelalan Baru Bian sentang ubah ba Kod Tanah Nengeri.

    Mosyen ke dibai Chairman PKR Nengeri nya ditulak ketegal enda nitihka perintah tetap DUN.

    Chairman Kelab Penyokong Barisan Nasional (BNBBC) Sarawak, Paulus Palu Gumbang madah ubah ke dibai Baru nya semina mungkur Seksyen dua aja lalu enda mungkur seksyen bukai ba Kod Tanah Sarawak.

    “Semua ketuai dalam Perintah BN setuju Kod Tanah meseti diubah.

    “Kepala Menteri udah meri komitmen ba sentang pekara tu ke alai iya udah numbuhka komiti Pemakai Menua (PM) enggau Pulau Galau (PG) ti betuaika Sapit Kepala Menteri, Datuk Amar Douglas Uggah Embas,” ku iya ba aum pengarang berita di DUN ditu, kemari.

    Iya mansutka jaku nya nimbal isu ke balat dikerembai di media rama ti nuduh BN enda nyukung mosyen Baru sentang ubah Kod Tanah Nengeri.

    Ku Paulus nambah, komiti nya patut diberi timpuh bejalaika pansik sebedau ngenatai pemutus bengkah pekara ke patut diubah.

    Mosyen ke dibai Baru Hari Empat tu tadi sentang ubah ba Kod Tanah Nengeri ditulak DUN ketegal mayuh kebuah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads