Bonus sebulan gaji diberi perintah entara insentif ke pemadu manah - Berita Iban Online

Header Ads

  • Baru Nyadi

    Bonus sebulan gaji diberi perintah entara insentif ke pemadu manah

    Ahmad Malie
    KUCHING: Kongres Serakup Pengereja Pengawa Perintah (CUEPACS) Nengeri Sarawak (CNS) nyambut manah sereta beterima kasih ngagai perintah nengeri ti udah ungkupka insentif khas ngagai pengereja pengawa opis perintah nengeri.

    Chairman CNS, Ahmad Malie madahka, insentif nya berita manah ngagai pengereja pengawa opis perintah nengeri sereta ngayanka perintah nengeri mendingka sebana pengereja pengawa.

    “CNS nyambut manah sereta gaga ati ninga insentif sebulan batang gaji tauka minimum RM2,000 ke diberi ngagai pengereja pengawa opis perintah nengeri.

    “Ngarika piak pengereja pengawa opis perintah udah tentu CNS amat gaga ati nerima berita manah tu sereta tu meh insentif ti pemadu manah kala diterima pengereja pengawa opis perintah nengeri pengudah kelalu lama nerima insentif RM500 sebedau tu.

    “CNS meri terima kasih ngagai perintah nengeri ke diiring YAB Kepala Menteri Datuk Patinggi Abang Johari Tun Openg. Nengah insentif tu ngayanka perintah nengeri berat sereta mendingka sebana pengereja pengawa opis perintah nengeri,” ku iya madahka ngagai Utusan Borneo.

    Lebuh ke nyimpul jurai ba hari kepenudi Aum Kedua Penggal Kedua Kunsil Nengeri Ke-18 ensanus, Kepala Menteri Datuk Patinggi Abang Johari Tun Openg madahka semua pengereja pengawa opis perintah nengeri nenrima bayar insentif khas sebulan batang gaji tauka minimum RM2,000 ba bulan Disember tu.

    Abang Johari madahka nya keterubah iya perintah nengeri mayar tauka meri insentif baka nya enggau penyampau ungkup belanja urung RM45 juta.

    Berindik ari pekara nya Ahmad ngelalau semua pengereja pengawa opis perintah nengeri terus meri sukung sereta bejalaika servis enggau manah ngagai rayat nengeri ke kelai terima kasih ngagai perintah nengeri.

    “Enggau penyampau insentif ke manah tu, CNS ngarapka tu nyadika peransang ngagai pengereja pengawa opis perintaj nengeri ngambika lebih bemotivasi bejalaika pengawa enggau manah sereta komited.

    “CNS ngelalau raban pengereja pengawa opis perintah nengeri ti begaji serderhana ngambika ngena tauka ngatur insentif nya manah agi maya musim besekula taun 2018 sereta maya ngintu pengerami ke majak semak,” ku Ahmad.

    Kelimpah ari nya CNS ngarapka perintah nengeri Sarawak ulih meri insentif khas ngagai semua pengereja pengawa opis perintah enda ngira sekalika opis perintah nengeri tauka besai maya bejuraika bajet jemah ila.

    Nya ku Ahmad, dikena ngenang sereta ngaku semua pengawa ke dikereja ba penagawa ngemansangka Sarawak nyadi sebuha nengeri ti tegap sereta maju dalam Malaysia. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads