Header Ads

  • Berita Tebaru

    Chairman SIRA nyakal berita ti madahka iya deka bediri minta pilih ba PRU14

    Datuk Sri Richard Riot Jaem
    KUCHING: Chairman Gerempung Iban Remun (SIRA) Elli Luntai nyakal penerang ti dipansutka ba surat berita The Borneo Postkena 2 November 2017, ti madahka deka bediri minta pilih ba Pengawa Bepilih Besai Ke14 (PRU14) tu ila.

    “Aku endang nyukung BN kelebih agi Kaban Parlimen Sitak Serian, Datuk Sri Richard Riot Jaem” ku iya lebuh dikerandau pengarang berita ditu, lemai kemari.

    Aku nadai ati deka bediri minta pilih ba PRU 14 tu ila kelebih agi meri sukung ngagai penyakal,ku Elli ke mega siku pengajar.

    Taja pia ku iya, nyema bala ketuai BN bisi meri peluang ngarika bansa Iban bediri minta pilih ba sitak nya, kami nerima emggau ati tebuka laban kenyau ari kelia sitak nya nadai kala diarika pengari bansa Iban, tang kami sigi enda sekali- kali nyakal perintah.

    Sitak Parlimen Serian diatu ari baruh pegai SUPP nengah Datuk Sri Richard Riot Jaem.

    Ba Pengawa Bepilih Besai Ke13 (PRU13) Richard udah menang sereta bulih 19,494 undi ngalahka Edward Andrew Luak ari DAP ke bulih 6,343 undi enggau Johnny Aput ngarika (STAR) kesemina bulih 390 undi aja. #UtusanBorneo

    No comments

    Post Top Ad