CIQ ba Serikin deka digaga pengudah bisi agih belanja - Berita Iban Online

Header Ads

  • Baru Nyadi

    CIQ ba Serikin deka digaga pengudah bisi agih belanja

    Datuk Masir Kujat
    SIBU: Perintah deka ngaga palan kastam, imigresen enggau kuarantin (CIQ) ba Serikin pengudah bisi agih belanja.

    Sapit Menteri Dalam Menua Datuk Masir Kujat madah, taja bisi pematut ngaga CIQ nya, tang ditangguh dulu laban penanggul sentang belanja.

    “Kami endang bisi ati deka ngaga sebuah palan CIQ ba Serikin tang kami napi penanggul sentang belanja.

    “Aku udah ngenataika pekara tu ngagai Menteri Dalam Menua sereta opis menteri ke bekaul,” ku iya ensanus.

    Masir ke mega Kaban Parlimen Sri Aman madah, pengawa ngaga nya engka enda ulih dipejalai dalam timpuh ke diatu laban suntuk belanja.

    “Amat enda ulih dikeengai sitak nya begunaka siti palan penyaga adan menua,” ku iya seraya madah opis bejaga bisi digaga ba Lubok Antu, Tebedu, Long Busan, Belaga enggau Ba’ Kelalan.

    Iya madah munyi nya rambau nimbal pasal peminta Sapit Menteri Betanam Betupi enggau Pekara Bumai Datuk Anthony Nogeh ke minta palan CIQ di Serikin patut dirumban gaga dikena matau pejalai ba adan menua.

    “Kitai patut ngaga nya laban perintah Indonesia udah bejalaika pengawa ti sebaka,” ku Nogeh.

    Iya madah, palan CIQ nya patut digaga baka di Biawak, Tebedu enggau Lubok Antu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads