Header Ads

  • Berita Tebaru

    DBOS mujur dipenyadi lemai kemari

    Gambar di ambi -Sulok Tawie
    KUCHING: Bank Pemansang Sarawak (DBOS) dipenyadi Kepala Menteri Datuk Patinggi Abang Johari Tun Openg di sebuah hotel ditu lemai tu.

    DBOS ku Abang Johari, deka nyaup ngelengkas atur pemansang di Sarawak nengah atur beranakka puku ba sekeda projek strategik.

    “Sarawak meseti ngelangkas program pemansang ke alai kitai enda ulih nganti agih belanja ari perintah nengeri tauka Perintah Besai, ti suah enda chukup.

    “Kitai belajar ari sekeda menua mansang ke alai sida nempa pemujur nengah chara nguna pengeraja ke dikemisi. Tu mih kebuah kitai numbuhka DBOS,’ku Abang Johari lebuh ngelanchar DBOS.

    Iya nambah, DBOS deka beranakka puku ba pengawa pemansang ke diasaika berat di nengeri tu.

    Pengawa nya ku iya mungkur pemansang ba perengka guna, industri minyak enggau gis, kuasa ke ulih dikena baru, perengka pengangkut kandang mengeri, telekomunikasyen, ekonomi digital, pekara pengerai enggau pengawa betanam betupi chara baru.

    Nitihka penerang Abang Johari, entara sekeda projek ke deka ngaul DBOS iya nya projek numbuhka Palan Methanol di Bintulu sereta projek LRT di Mengeri Kuching.

    Sekretari Perintah Nengeri, Tan Sri Datuk Amar Mohamad Morshidi Abdul Ghani dichiri nyadi Chairman keterubah DBOS. #UtusanBorneo

    No comments

    Post Top Ad