Dr Jamilah bebula penerang ti madahka Serikin dikerekai denggi bedarah - Berita Iban Online

Header Ads

  • Baru Nyadi

    Dr Jamilah bebula penerang ti madahka Serikin dikerekai denggi bedarah

    Dr Jamilah Hashim
    KUCHING: Pengarah Opis Pengerai Negeri, Dr Jamilah Hashim madahka berita dikerembai ba media rama ti madahka kandang menua Serikin, Bau dikerekai penyakit denggi bedarah nya enda amat, tang semina penyakit denggi aja.

    Ku iya, penerang ke dikerembai nya enda amat lalu ukai ulah ke manah laban enda ngelantangka ati sereta nagang mensia nemuai nemuai ngagai kandang menua nya.

    Dr Jamilah sebedau tu madahka, kes demam denggi di negeri tu mandangka rikod ke balat nurun.

    Penyampau kumulatif kes ari 1 Januari nyentuk 18 November mandangka 895 kes dibanding 2,506 kes ungkup timpuh yang sama ba taun 2016, bisi kurang 64 peratus.

    Semina sepuluh pelilih menua ngerikod penambah lebih ari lima kes kenyau ari 1 Januari nyentuk 18 November dibanding timpuh ke sama ungkup taun 2016.

    Pelilih menua tu iya nya Betong 24 kes, Bau (20 kes); Serian (18 kes); Saratok (14 kes); Lawas (12 kes) enggau Sarikei (10 kes).

    Nya kebuah kitai anang kelalu irau ati dalam pekara tu, ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads