Dua buah CIQ deka digaga di Serikin enggau Karangas Gayau nengah RMK12 - Berita Iban Online

Header Ads

  • Baru Nyadi

    Dua buah CIQ deka digaga di Serikin enggau Karangas Gayau nengah RMK12

    Datuk Amar Douglas Uggah
    KUCHING: Perintah deka ngaga dua kompleks Kastam, Imigresyen enggau Kuarantin (CIQ) ngambi ulih ngintu pengelikun ba garis adan menua (Sarawak).

    Sapit Kepala Menteri Datuk Amar Douglas Uggah madah kededua CIQ iya nya di Serikin enggau Karangas Gayau, Pantu.

    Kededua CIQ nya deka digaga nengah Atur Pemansang Malaysia Lumpar Ke-12 (RMK12).

    “CIQ tu deka nudukka ejensi pengintu pengelikun baka ke polis, Kastam, Opis Menteri Dagang Dalam Menua enggau Pekara Bebeli Barang (KPDNKK) sereta RELA.

    “Opis Soldadu (ATM) deka ngaga operasyen dalam kandang ngelingi dikena nentu pengelikun enggau pengelanchar operasyen CIQ,”ku Uggah.

    Ungkup tuju ke sama iya nya dikena ngintu penama peranak menua luar chara belalai (PATI), seiti pos pematau Imigresyen benung digaga di Ba’Kelalan lalu disadang tembu ba bulan Mei 2019.

    Ku iya, Opis Imigresen benung chakah ngadu operasyen neritka adat di serata Sarawak ba semua sektor kereja nengah program Hari Hari Operasyen (H20).

    Nitihka penerang Uggah, ba taun 2016 penyampau 2,190 PATI udah ditangkap nengah H20.

    Naka bulan Oktober 2017, penyampau 2,467 PATI udah ditangkap.

    “Semua sida tu udah diukum nitihka undang-undang Imigresen baka ke didawa, dikompaun sereta dianjung pulai ke menua diri. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads