Empat parti bela ngining penuduk Parlimen Miri ungkup PRU14 - Berita Iban Online

Header Ads

  • Baru Nyadi

    Empat parti bela ngining penuduk Parlimen Miri ungkup PRU14

    PRU14
    MIRI: Parti Sa’ati Rayat Sarawak (SUPP), Parti Rakyat Bersatu (UPP), Parti Tindakan Demokratik (DAP) enggau Parti Keadilan Rakyat (PKR) diperati agi ngining penuduk Parlimen Miri lalu deka nyabung chalun sida maya Pengawa Bepilih Besai Ke-14 (PRU14) ti deka datai.

    Nyentuk sehari tu, Barisan Nasional (BN) enggau kaling BN sereta bala ketuai penyakal apin meri nama chalun sida, ti deka disabung ba penuduk Miri, ke diatu dipegai PKR, Dr. Teo Yu Keng.

    “PRU tu ila deka angat agi di Miri laban rayat deka nentuka sapa bagi ti deka nyadi pengari sida, mantaika peminta sida di Parlimen,” ku ketuai di pun menua BN, Hasnan Ahmad madah ngagai The Borneo Post, kemari.

    Nitih ku Hasnan, penuduk Miri balat diperebut tang nyangka semua piak ngining penuduk nya, sida meseti chalun nembiak enggau sida ti bejalai gawaka rayat di pun menua ditu.

    Iya beratika semua raban SUPP, UPP, PKR enggau DAP bisi chalun ditaga ulih menang sida empu, ti udah gawa enggau ngabas rayat sereta mutarka isu.

    Ku iya, pekara ti manah endar, chalun bepenau ulih gawa begulai enggau rayta sereta nemu pasal isu di menua.

    “Sida tu meseti belalauka rayat, nadai ngira jalai pengarap enggau bansa laban peranak Miri datai ari pupu bansa,” ku iya nandu nyemetak.

    Ku Hasnan, ngagai parti komponen BN enggau kaling BN datai ari SUPP enggau UPP, pekara ti beguna endar iya nya sida ulih bekerejasama ngambika komuniti China di Miri ditu ulih begempung sereta meri pemenang besai ngagai BN.

    Ku iya, nyema is utu enda diputar, BN deka napi pemar ngerampas baru penuduk ari PKR laban penyakal mega bisi penyukung sida empu.

    Ngenang bala penyakal ku iya, nitihka penerang ulih dipechaya, Dr Teo ari PKR enda bediri minta pilih ba penuduk nya maya pengawa bepilih tu, meri jalai ngagai rebak baru bediri.

    Berebak enggau nya ku iya, chalun DAP mega bisi ngining penuduk nya laban penuduk nya sebedau tu dipenggi DAP, pengudah disilih ngagai PKR.

    Chalun UPP mega diperatika bebendar gawa di menua sereta ulih dipeda ari pengawa ditaburka raban media rama sida, ari visyen enggau misyen ungkup peranak Miri, nyema iya dichalun ngarika BN nyadi chalun terus tauka baka nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads