Enam juta hektar kandang endur digaga nyadika PFES - Berita Iban Online

Header Ads

  • Baru Nyadi

    Enam juta hektar kandang endur digaga nyadika PFES

    NYAUT TANYA: Awang Tengah (skrin atas sepiak kanan) benung nyaut tanya ari Ketuai Parti Tindakan Demokratik ti mega nyadi ADUN Kota Sentosa, Chong Chieng Jien (skrin atas sepiak kiba).
    KUCHING: Perintah nagit enam juta hektar kandang endur digaga nyadi Kampung Simpan Mendam PFES.

    Sapit Kepala Menteri Datuk Amar Awang Tengah Ali Hasan madah, naka Oktober 2017,4.32 juta hektar udah dikelai nyadi PFEs, iya nya 72 peratus ari penyampau ke (disasarkan).

    “Perintah mega nagit 1 juta hektar dikelai nyadi Palan ke Dijaga Penuh tauka ‘Totally Protected Area’ (TPAs).

    “Naka ke diatu, perintah nengri udah mujur ngelai kandang endur ti mungkur pemesai 948,034.40 hektar ke alai 716,084.40 hektar darat lalu 231,954.00 hektar kandang sungai nyadi TPAs,” ku iya.

    Iya madah munyi nya lebuh nyimpul jurai iya bekaul enggau Opis Menteri Pemansang Mengeri enggau Rampa Menua di Aum Kedua ke Penggal Kedua, Aum Kunsil Nengeri ke-18 ditu, ensanus.

    Ku iya baru, madahka perintah nengeri deka majakka pengawa mutarka pemisi kampung nengah atur setipikit mutarka kampung.

    “Perintah nengeri nengah Opis Kampung Sarawak benung nempa kerejasama enggau Malaysian Timber Certification Council (MTCC) beratika lisin kampung diberi setipikit nengah Malaysian Timber Certification Scheme (MTCS).

    “MTCS dikelala nengah ‘Programme for Endorsement of Forest Certification’ (PEFC), skim meri setipikit entarabansa ke pemadu besai,” ku iya.

    Awang Tengah ti mega Menteri Kedua Pemansang Mengeri enggau Rampa Menua madahka dalam timpuh nya mega,perintah nengeri benung ngaga sistem legaliti, Sarawak Timber Legality Verification System (STLVS)bup bepelasarka Inter Agency Standard Operation Procedure (SOP) for Forestry and Timber Industry, ku iya.

    “Sistem legaliti tu digaga dikena beratika pemerat pemisi kayu sereta produk kayu ari Sarawak ba makit entarabansa,” ku iya.

    Ku iya baru, ‘The STLVS Standard’ dikemansangka nyadi siti sistem ke nyulut ti ngemendarka sepiak orang ketiga ke ngaga audit.

    “Pekara tu mungkur semua proses ngambi kayu ari lisin ngagai ngaga barang sereta nyual kayu enggau produk kayu,” ku iya.

    Berebak enggau nya, iya madah nengah inisiatif ‘Heart of Borneo’ (HoB), perintah udah nempa kaul Menua Brunei Darussalam sereta Indonesia (Kalimantan)ba pekara nyaga garis menua, ke mungkur kampung ari Batang Ai datai nyentuk ke Lawas, Sarawak.

    Kandang endur ke dibungkur iya nya Kelingkang,Bungoh, Taman Negara Tanjong Datu, Taman Negara Gunung Apeng, Taman Negara Gunung Pueh, Taman Negara Gunung Gading, Sanktuari Jelu Siga Samunsam, Taman Negara Kubah, Palan Jelu Siga Matang, Taman Negara Bako enggau Bako-Buntal Bird Flyways. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads