Festival ‘Sarawak Heritage Street Food’ tau diatur tiga bulan sekali - Berita Iban Online

Header Ads

  • Baru Nyadi

    Festival ‘Sarawak Heritage Street Food’ tau diatur tiga bulan sekali

    NYUKUNG: Wahap (tiga kanan) begulai enggau Wee (dua kanan), Dona Wee (empat kiba) enggau bala bukai begambar ba penama ngagai festival kena Hari Minggu tu tadi.
    KUCHING: Pemujur ngatur festival ‘Sarawak Heritage Street Food’ tembu kena malam Hari Minggu tu tadi patut ditunda orang bukai ti deka nempa Kuching nyadi mengeri ti idup enggau lantang agi.

    Diatur tiga malam konsekutif di India Street Pedestrian Mall, beserimbai enggau What About Kuching (WAK) 2017, festival pemakai jampat matak penatai bala pengusung sereta mega sida ti rinduka pemakai ari serata mengeri nedat festival tu ngiga pemakai asal peranak Sarawak, berengkah urung pukul 6 lemai.

    “Aku ngasaika kitai ulih ngatur pengawa ke bansa tu tiga bulan sekali tauka ke bukai,” pia ku Datuk Bandaraya Dewan Bandaraya Kuching Utara (DBKU) Datuk Bandar Datuk Abang Wahap Abang Julai, ti bejakuka penemu iya empu ba festival nya Hari Minggu tu tadi.

    Iya mega madahka endur (India Street) nya chukup tebilang ngagai semua nyengkaum bala temuai ti gagit ngiga pemakai asal peranak Sarawak, ke mega jarang bisi ba palan pemakai menua tu.

    Ba lansa bukai, ku Wabap nambah, DBKU begunaka bala pesereta ari bala komuniti muji inisiatif Clean, Beautiful and Safe (CBS) sida.

    “Kitai piak kaunsil enda ulih gawa kediri laban kami begunaka komuniti nyereta diri. Iya mega patut peranak menua tu empu, ti meseti bisi pengangkun enggau deka nirika bangsal pemakai sida. Nyema kita rinduka pengawa tu, udah nya iya ulih narit orang bukai,” ku Wahap.

    Iya mega nyamin DBKU deka merin bantu ngagai sida ti deka ngatur festival ke sama dudi hari seraya nambah, endur ulih sebarang alai ti engkeman di baruh pegai sida.

    “Nya kebuah aku minta peranak di Kuching; nyema kita talukka menua Kuching lalu deka nempa iya nyadi mengeri ti lantang, begulai enggau kami sereta gaga pengawa kita,” ku iya nambah.

    Sepemanjai tiga hari festival nya, bisi 40 bangsal udah nyediaka lebih 60 bansa pemakai asal peranak Sarawak.

    Pia mega, tetiap hari, workshop kulinari berambaika leka jaku ‘Flour Power’ mega bisi diatur nyerumba festival tu meri peluang ngagai bala pengusung ngujika pengelandik jari diri ngaga mi enggau kuih muih bala celorot enggau ke bulan.

    Antara sida ke bisi datai Komiti Pengatur Datin Dona Wee and India Street Pedestrian Mall, Chairman Komiti Ngatur Pengawa Dato Wee Hong Seng. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads