Gaji ketuai bansa ditiki, ku Uggah - Berita Iban Online

Header Ads

  • Baru Nyadi

    Gaji ketuai bansa ditiki, ku Uggah

    Datuk Amar Douglas Uggah
    KUCHING: Perintah Nengeri nikika gaji ketuai bansa enggau elawin tuai rumah di serata nengeri ba penyampau RM100.

    Sapit Kepala Menteri Datuk Amar Douglas Uggah rambau nyimpul jurai Aum DUN madah atur nya nyengkaum nikika gaji Temenggung, Pemancha enggau Penghulu RM100.

    “Reti nya gaji temenggung, pemancha enggau pengulu niki RM100 lalu elawin tuai rumah niki ari RM800 ngagai RM900,”ku Uggah.

    Berindik enggau nya ku Uggah, perintah ngarap raban ketuai bansa enggau tuai rumah nampung pengawa manah nyaup ngemansang sosio ekonomi ba genturung diri.

    “Perintah ngakun sereta meri basa ba servis ke diberi raban ketuai bansa enggau tuai rumah ba atur nyaup ngemujur program perintah,”ku iya.

    Ngenang kaul bukai Uggah madah perintah keran ngemansang kandang menua pesisir nengah program enggau projek.

    Ku iya, semua program deka dikemujur Opis Menteri Pemansang Menua Pesisir enggau Kandang Menua Malaysia (KKLW).

    Dikena ngemujur juluk nya Uggah madah seiti Komiti Begulai ti betuaika menteri KKLW enggau iya udah ditumbuh.

    Komiti deka nentuka tetiap program enggau projek ke udah dikemendar ungkup Sarawak dipejalai enggau mujur sereta ungkup pemaik peranak Sarawak, tandu Uggah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads