Gempuru likun Tanah NCR dipunka enggau pengawa miring - Berita Iban Online

Header Ads

  • Baru Nyadi

    Gempuru likun Tanah NCR dipunka enggau pengawa miring

    Sekeda ari gambar maya Gempuru likun Tanah NCR
    KUCHING, Nov 13: Gempuru likun tanah NCR ke diatur Sarakup Iban Dayak Sarawak (SADIA) dipunka enggau pengawa miring urung pukul 8 pagi tadi.

    Pengawa miring nya udah dipejalai betuaika Lemambang Jayan Lang. Entara leka sampi ke bisi disebut iya lebuh ke miring ngena manuk burak, iya nya minta sukung petara ngeringka sida ngenanka tanah adat enggau menua asal bansa.

    Pengawa Miring

    Sekeda ari gambar maya Gempuru likun Tanah NCR
    Nangkanka nya ex-Sapit Presiden Majlis Adat Istiadat, Nicholas Bawin lebuh ke meri jaku pengelalu pandak madahka gempuru nya ti disereta bemacham pupu bansa nyadika platfom endur begulai sereta bekelala enggau pangan seraya mendingka jaku icha pasal batang tuju gempuru ke diatur sehari tu ari bala pengelicha bukai.

    Iya mega madah gempuru ke diatur nya deka nyadi sejarah lalu pechaya agi mayuh bala deka datai ngulu gempuru nya.

    Gempuru nya ti matak penatai mensia mayuh kelebih agi bansa Iban meda sida mai bemacham kain rentang ke ditulis ‘Besampika Tanah NCR Diberi Pulai,’ ‘TanĂ h Pengidup Kami,’ ‘Idup Dayak’ enggau bemacham agi.

    Bala pesereta bekenaka kain kumbu

    Salah siti ari gambar banner ti di bai sereta dibantaika bala pesereta maya Gempuru likun Tanah NCR

    Siku ari pesereta Gempuru likun Tanah NCR bisi mai banner justice for native rights activist Bill Kayong
    Video maya Gempuru Likun Tanah NCR:


    Sekeda ari gambar maya Gempuru likun Tanah NCR
    Tebal agi bala pesereta dipeda datai ngena ngepan bemotifka pua kumbu ke mega asil pengelandik jari asal bansa Iban.

    Gempuru likun ti dikemendarka polis nya dipelabaka diatur nyentuk pukul 2 ngalihari tu lagi. #DayakDaily


    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads