Indu Bumiputera UPP Bawang Assan deka ngatur mayuh agi kelas kraf jari ba taun baru - Berita Iban Online

Header Ads

  • Baru Nyadi

    Indu Bumiputera UPP Bawang Assan deka ngatur mayuh agi kelas kraf jari ba taun baru

    Logo Parti Rakyat Bersatu
    SIBU: Urung 20 iku Indu Bumiputera Parti Rakyat Bersatu (UPP) Pampang Bawang Assan nyereta kelas kraf jari manik ba opis parti nya, lemai ensanus.

    Nitihku chairperson Indu Bumiputera UPP Bawang Assan, Penghulu Evelyn Holly Sebom, kelas manik nya sebengkah ari aktiviti kepenudi sida ungkup taun tu.

    “Nengah kelas tu, iya meri peluang ngagai bala Indu UPP bejalarka chara ngaga kraf jari ari manik ke pemadu baru, lebih agi marik.

    “Berebak enggau nya, kitai ngarap kraf jari manik tu meruan dikeingatka raban nembiak rebak dudi,” ku iya.

    Evelyn madah, kelas nya mega dikearap ngerapitka agi kaul entara kaban Indu Bumiputera UPP Bawang Assan.

    Iya mega madah, deka mayuh agi kelas ngaga kraf jari ari manik diatur ba taun baru. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads