Insuran ‘Perlindungan Tenang’ dilanchar - Berita Iban Online

Header Ads

  • Baru Nyadi

    Insuran ‘Perlindungan Tenang’ dilanchar

    Tan Sri Muhammad Ibrahim
    KUCHING: Inisiatif insuran ‘Perlindungan Tenang’ ke ulih diempu dilanchar beserimbai enggau Karnival Kewangan Sarawak di CityOne Megamall ditu, ensanus.

    Inisiatif insuran nya dilanchar Kepala Menteri Datuk Patinggi Abang Johari Tun Openg lalu bela dikemata Gabenor Bank Negara Malaysia (BNM) Tan Sri Muhammad Ibrahim.

    “Produk insuran tu nyendia pelin ke ulih diempu, dipereti enggau mudah sereta disempulang enggau proses nagih ke muntang.

    “Produk tu digaga dikena napi pinta ruang bilik ke bedau bisi bungkur insuran enggau takaful, kelebih agi raban orang ke kurang penatai pemisi,”ku Muhammad.

    Muhammad nambah, insuran nya deka mai pemaik ngagai lebih 8 juta iku peranak Malaysia ke bekereja, sereta 700,000 enterpris mikro.

    Ku iya, produk nya deka dikelaku chara inovatif nengah mayuh macham chara nyengkaum telefon binching enggau internet.

    Ngenang kaul ke sama, iya madah BNM beratka atur ‘kewangan inklusif’.

    “Ba sentang pekara tu, servis pekara wang di Sarawak diatu dikerembai ngagai menua pesisir baka ke di Telang Usan enggau Belaga.

    “Servis bank ti mungkur ejen bank deka dipajak ngambika nadai komuniti di nengeri tu enda ngasai servis pekara wang,’ku iya.

    Nitihka penerang Muhammad, ejen bank di Sarawak diatu udah manggai 632 ejen enti dibandingka enggau semina 14 ejen ba taun 2012.

    Diatu ku iya servis bank udah disedia ba 97 peratus pelilih lalu diasaika 99.7 peratus peranak Sarawak. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads