Kelab ‘Dayak Bikers M.C Kuching Chapter’ udah mujur ditumbuh - Berita Iban Online

Header Ads

  • Baru Nyadi

    Kelab ‘Dayak Bikers M.C Kuching Chapter’ udah mujur ditumbuh

    UNGKUP ALBUM: Raphael(duduk di tengah) begambar begulai enggau raban komiti DBMC Kuching Chapter. Bela dipeda Sekretari Steven Kana (duduk dua kiba).
    KOTA SAMARAHAN : Kelab motosikal ‘Dayak Bikers M.C Kuching Chapter’ (DBMC) udah mujur ngatur aum terubah dikena milih raban komiti kelab tu ungkup timpuh 2018-2019 bepalan di Route 18, Rumah Asap Dayak Samarahan kemari.

    Aum tu bela digulu raban kelab tu ke datai ari selampur menua nyengkaum Bau, Tebedu, Serian enggau Sri Aman.

    Ketuai kelab tu, Raphael Bujang madah kelab tu ditumbuhka pun taun  tu tadi ungkup mengeri Kuching sereta udah majak chakah nitihka singkang raban kelab bukai ari Sibu, Miri enggau Bintulu Chapter.

    Aum ke diatur kemari mega bekunsika penemu sereta perambu kelab tu ke deka sama ngulu pengerami ‘Sibu Bike Week 2017’ ke berengkah dibuka kena 8 Disember tu ila.

    “Pengawa mai motosikal bekuasa besai tu iya nya semina pengerindu maya lepa, sereta kami ngemeratka pengelikun lebuh ngatur pengawa bebaika motosikal bebala mayuh.

    “Aku seruran ngingatka bala raban kelab tu ngambi enda melakangka tanggungpengawa ngagai ruang bilik,” ku Raphael.

    DBMC Kuching Chapter mega bisi nyuaka duit bantu ngagai siku raban kelab tu, Timothy Mang@Rommey B2B ke begunaka belanja dikena nampung ungkus perubat kemoterapi bini iya.

    Pengawa betulung ke bansa tu sigi dikemeran nyengkaum kelab ari Chapter bukai, tandu Rapheal.

    Iya ti dipilih mangku pengawa nyadi Ketuai Pati madahka diri enggau naka ulih bejalaika tanggungpengawa ungkup timpuh 2 taun tu.

    Penerang silik senentang DBMC Kuching Chapter, tau telefon nuju Raphael nengah lumor 016 8660799 tauka nuju Seketeri Steven Kana (013 8947206). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads