Kes Desmond benung dipansik polis - Berita Iban Online

Header Ads

  • Baru Nyadi

    Kes Desmond benung dipansik polis

    Dato Sri fatimah Abdullah
    KUCHING: Polis bedau bisi perambu deka neritka ukum nitihka Akta Kanak-Kanak 2001 ngagai penyaga tauka apai indai Desmond Davei, beumur 2 taun, iya nya anak mit ti ditemu mati pengudah diripotka lenyau kenyau 6 November tu tadi.

    Pekara nya dipadahka Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang nembiak Mit Dato Sri fatimah Abdullah seraya madahka kes nya agi benung dipansik polis.

    Taja pia iya nerangka kes nya ulih ditasat bepalasarka pekara ti relevan enggau Seksyen 33 akta ti sama iya nya ngelakka nembiak mit kediri nadai dijaga nitihka pematut.

    “Naka ke diatu polis bedau bisi perambu deka neritka ukum ngagai penyaga tauka apai indai anak minya di baruh akta nya.

    “Pekara nya udah dipadahka Ketua Jabatan Siasatan Jenayah Sarawak, SAC Datuk Dev Kumar,” ku iya lebuh dipinta ngenang pasal kes nya.

    Fatimah madahka apai indai anak mit nya deka dipansik dikena ngulihka penerang silik bekaul enggai kes lenyau nya.

    Bejaku baru iya madahka, nyema bisi penerang enggau bukti tegap pasal pemati anak mit nya mati ketegal ulah kasar tauka pekara bekaul polis sigi deka neritka atur nitihka udang-undang ke udah bisi.

    Anak mit nya ke lenyau kenyau dua minggu ke udah ditemu ke nyau deka luluh ba atas Bukit Ruan, Simunjan hari Isnin tu tadi.

    Nitihku Fatimah, pengawa ngelala nya digaga apai indai anak mit nya bepelasarka gari dikena nembiak mit nya.

    “Aku dipadahka, lutur enda ulih ngelala kebuah pemati anak mit nya ketegal pendiau tubuh iya nyau deka luluh.

    “Pansik naka ke diatu enda ulih nguing ngagai pengawa jai lalu polis mega bedau nemu sebarang penerang ke ulih nerangka baka ni bangkai anak mit tu ditemu urung lima kilometer (KM) ari rumah iya,” ku iya.

    Kena 6 November tu tadi, Desmond dirputka lenyau di rumah iya ba Kampung Ruan Baru, di Semunjan.

    Maya penusah nya nyadi, anak mit nya semina enggau aki enggau ini sereta adi iya ke beumur setaun.

    Nitihka padah, penyaga maya nya benung ba dapur lalu anak mit nya benung tinduk ba bilik besai sebedau nemu Desmod lenyau pengudah iya tama baru ngagai bilik besai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads