KGBS nyukung MARA nenduka atur meri skolarsip - Berita Iban Online

Header Ads

  • Baru Nyadi

    KGBS nyukung MARA nenduka atur meri skolarsip

    Ahmad Malie
    KUCHING: Pemutus Majlis Amanah Rakyat (MARA) ti nenduka atur meri skolarsip ngagai nembiak menua pesisir sereta raban B40 berengkah taun baru, meri peluang ti mayuh agi nembiak ari menua pesisir nampung pelajar ngagai renggat tinggi agi.

    Pekara nya dipadahka Presiden Gerempung Pengajar Bumiputera Sarawak (KGBS) Ahmad Malie ngarika gerempung nya madahka setuju enggau atur baru MARA nya.

    “Nengah chara nenduka atur ti baka tu, udah tentu ulih mantu mai transformasyen ngagai ruang bilik sida kelebih nembiak nya ulih nembuka pelajar ba renggat tinggi enggau nyulut.

    “Pemutus ke diambi MARA nya ukai semina meri pengaga ati ngagai nembiak tang mega ngagai apai indai lebuh anak sida iya ulih tetitihka pinta nya lalu ulih nampung pelajar, kelebih agi nembiak ari menua pesisir tauka apai indai B40.

    “KGBS ngarapka chara tu ulih nyadi nyata sereta datai ba raban ke ditagit kelebih agi nembiak di Nengeri Sarawak enggau mayuh agi,” ku iya madah ngagai Utusan Borneo.

    Bejaku baru, iya madahka KGBS arap bendar deka mayuh agi nembiak ulih nampung pelajar ngagai renggat tinggi agi.

    Berindik ari pekara nya madahka KGBS tetap nyukung atur baru ke dipejalaika MARA.

    “KGBS nyambut manah sereta meri sukung penuh ngagai atur ke dipejalaika MARA ti nenduka pinta meri skolarsip ngagai nembiak ke bulih ambis kurang empat kridet berangkah ari taun baru,” ku Ahmad.

    Di Putrajaya apin lama, Menteri Pemansang Menua Pesisir enggau Kandang Menua, Datuk Seri Ismail Sabri Yaakob madahka MARA deka nenduka atur meri skolarsip ngagai nembiak menua pesisir enggau raban B40 berengkah ari taun baru dikena nambahka penyampau raban nya ba pelajar tinggi.

    Ismail madahka nengah Kolej Poly-Tech MARA (KPTM) diatu, atur meri skolarsip ngagai nembiak udah ditetapka ke alai sida patut bulih abis kurang lima kredit dalam peresa Sijil Pelajaran Malaysia (SPM) ke ulih dipelanja KPTM.

    “Tang berengkah ari taun baru, kitai deka nenduka atur engka ngagai empat kredit khas ungkup nembiak menua pesisir sereta sida ke apai indai dalam raban B40.

    “Tu deka meri mayuh agi peluang ngagai sida menua pesisir baka kadang menua ulu nyengkaum Ulu Tembeling, Pahang sereta Sabah enggau Sarawak ke nadai belanja dikena nganjung anak nampung pelajar ngagai renggat tinggi baka KPTM,” ku Ismail. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads