Komuniti Penan di Tegulang, Mentalun deka terus dibantu - Berita Iban Online

Header Ads

  • Baru Nyadi

    Komuniti Penan di Tegulang, Mentalun deka terus dibantu

    NYULUT: Ugak (empat kiba) nyuaka insentif pelajar ngagai siku ari nembiak bansa Penan ti nyulut ba akademik.
    BINTULU: Komuniti Penan di Pengentap Baru Pendiau Tegulang enggau Mentalun terus dibantu ba bemacham pekara ekonomi rama enggau pelajar dikena ngangkatka tikas pengidup sida.

    Kaban Parlimen (MP) Batang Rajang Datuk Wilson Ugak Kumbong madahka perintah nengeri nengah Sarawak Energy Berhad (SEB) sereta ejensi bekaul bejalaika bemacham program pemansang ngagai komuniti Penan.

    “SEB nengah Tabung Amanah Kebajikan Bakun nyediaka insentif pelajar ngagai bala nembiak Penan di Murum dikena meransang mayuh agi peranak Penan besekula,” ku iya rambau Pengawa Merekat Batu Tungun enggau Nyuaka Insentif Bala Nembiak Penan Murum di Taman Batu Tungun, Murum, Hari Enam tu tadi.

    Batu Tungun iya nya batu nyadi ti tebing kanan Sungai Murum, endur kudus bansa Penan di kandang menua nya.

    “Nya kebuah perintah bejalaika pengawa ngaga pelantar khas endur ritual ninting taun lalu nyadi taba khas ngayam pemanah rampa menua Batu Tungun sereta Tekat Ai Murum enggau pemanah rampa tasik digaga mensia nya.

    Dulu agi ari nya, Kaban Kunsil Nengeri (ADUN) Murum Kennedy Chukpai Ugon madahka iya deka mantu ngangkatka pemanah tikas perengka guna sereta infrastruktur di Murum kelebih agi jalai alun.

    Ku iya, perintah mantu peranak Penan di Murum ti kena pangka pengawa ngaga Tekat Ai Murum sereta bejalaika bemacham chara ngemansangka komuniti nya ba bemacham pekara.

    Sama bisi datai ADUN Samalaju Majang Renggi, Pemancha Tony Kulleh enggau Chairman MPDC Labang Paneh. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads