KPWKM nagit 3,000 iku peranak Sarawak nyereta e-Rezeki enggau e-Usahawan - Berita Iban Online

Header Ads

  • Baru Nyadi

    KPWKM nagit 3,000 iku peranak Sarawak nyereta e-Rezeki enggau e-Usahawan

    BEJADI: Rohani (tiga kiba) bejadi Penangguhan Program e-Usahawan enggau e-Rezeki Pelilih Samarahan. Bela dipeda(dua kanan) Awla enggau Saadiah.
    SAMARAHAN: Opis Menteri Pemansang Orang Indu, Ruang Bilik enggau Komuniti (KPWKM) nagit 3,000 iku peranak Sarawak ngambi bagi ba program e-Rezeki enggau e-Usahawan ba taun 2017.

    Menteri opis nya Dato Sri Rohani Abdul Karim madah program nya ungkup raban orang ke kurang penatai pemisi enggau raban B40.

    “Ba aku tagit tu ulih dijapai, tang ke pemadu berat ukai penyampau 3,000 iku orang.

    “Ke berat sereta dikedekaka aku iya asil ari sida 3,000 iku tu. Berapa penguntung ke ditempa tetiap iku sida nengah e-Rezeki enggau e-usahawan,’ku Rohani.

    Iya mansutka jaku nya rambau bejadi ‘Penangguhan Program’ e-Usahawan dan e-Rezeki (Edisi 6) Pelilih Samarahan ke diatur di Dewan Suarah Samarahan ditu, kemari.

    Dulu agi ari nya program ke sama udah diatur di lima Pelilih Menua iya nya di Kuching, Sri Aman, Limbang, Miri enggau Sibu.

    Rohani ke mega MP Batang Lupar madah peranak Samarahan ngembuan mayuh produk ke tebilang ke mudah dikelaku chara ‘online’.

    Berindik enggau nya iya pechaya orang dagang Samarahan nadai napi penanggul teulihka pemujur nengah program e-Rezeki enggau e- Usahawan.

    Ku iya, pekara nya seraris enggau pengeran Perintah Sarawak ti deka nyingkang mansang nengah ekonomi digital.

    ‘Nengah program tu, 86 iku orang dagang ke udah dilatih mujur teulihka asil ba penyampau lebih RM1 juta ke alai sida ngelaluka produk chara ‘on-line’.

    “Produk dikelaku nengah Facebook, Instagram enggau chara ‘online’ bukai lalu teulihka asil ke besai dalam timpuh ke pandak,’ku iya.

    Dikena nentuka pemujur program e-Rezeki enggau e-Usahawan, Rohani madah Malaysian Digital Economy Corporation (MDEC) bisi nyendia kelas ba 15 palan di serata Sarawak.

    Ba pengerami kemari, Rohani bisi nyuaka bantu perengka Program 1AZAM (dagang enggau servis) ngagai 21 iku penerima lalu bantu nya dikearap ulih ngangkatka dagang sida.

    Bela datai ADUN Simunjan Awla Dris, Ketuai Sekretari Opis Menteri Dr. Saadiah Abdul Suut enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads