Header Ads

  • Berita Tebaru

    Kurang pengajar bekualiti ketegal ari Perintah Besai

    Vicky Gulin Shandom
    MIRI: Udah datai maya iya endur Perintah Besai ngaduka semua perengka guna enggau kualiti pelajar ba semua sekula ba nengeri tu nyema deka nempa pengajar ti bekualiti, ari nengeri tu.

    Gerempung Gagasan Anak Dayak Sarawak (GADS) madah perintah (nengeri) enda ulih ngubah semua iya nyema perengka guna ba sekula nadai dikemanah baka perengka ke udah luya.

    “Pemuntan nempa pengajar bekualiti ketegal ari pemuntan Perintah Besai bejalaika tanggungpengawa enggau manah sereta ngungkupa belanja ke sebaka dalam bidang pelajar, enti dibanding enggau Semenanjung Malaysia sekumbang penumbuh Malaysia digaga Perintah Tanah Melayu (Malaya), Sarawak enggau Sabah,” pia ku GADS nengah sebengkah penerang ditu, kemari.

    Chairman GADS, Vicky Gulin Shandom ba penerang GADS madah, pengawa nya begunaka agih belanja ke nesai ari Perintah Besai laban laban bidang pelajar endang tanggungpengawa sida.

    Iya madah GADS, chukup setuju nyema pengawa milih orang ke nyadi pengajar meseti bisi kualiti, dikena ngangkatka kualiti pelajar ba menua tu lalu nembiak ke benung belajar.

    “Semina nengah orang ke bekualiti aja sesebengkah organisasyen ulih nempa anak bansa ke pintar, pandai sereta ngembuan juluk ke tinggi dikena ngemansangka menua bansa,” ku tandu iya.

    Nya alai, ku iya sigi tusah deka ngenggaika semua jaku dipansutka Menteri Pelajar, Sains enggau Pansik Teknologi Sarawak, Dato’ Sri Michael Manyin Jawong bekaul enggau isu ‘Guru Berkualiti Di Sarawak Kurang’ baka ke dipansutka dalam surat kabar menua tu, taja iya fokus ngagai pemuntan pengajar interim diterima nayado pengajar mendam, pengudah puntan ba atur ke udah ditetap.

    Berindik ari nya, GADS minta perintah nengah Opis Menteri Pelajar Malaysia ke merambu nutup Palan Pematih Pengajar (IPG) ba Miri enggau Bintangor patut dikinsil, nyema deka nempa pengajar bekualiti nangkup peminta enggau juluk pelajar menua.

    Ku iya, tuju iya ngambika pengawa Perintah Nengeri nyapai juluk 90:10 ulih dikeamat nenngah ngelatih semua pengajar interim ba IPG nya alai nempa pengajar bekualiti.

    “Kelimpah nya, IPG nya mega patut nerima peranak asal Sarawak aja sereta enda ibuh nerima pelatih ari Semenanjung Malaysia enggau Sabah nyentuk juluk 90:10 ulih japai,” ku iya.

    Nya alai, ku iya GADS enggau nya sigi nyukung penemu Manyin, tang enda setuju nyema juluk niang ex-Kepala Menteri Sarawak, Tok Nan, enda ditampung endur neruska juluk 90:10.

    “Tu mih juluk besai Tok Nan sereta juluk besai ke pemaik peranak Sarawak jemah ila,” ku tandu Vicky. #UtusanBorneo

    No comments

    Post Top Ad