KWSP nyendiaka mayuh agi e-withdrawals di Sarawak JULPADYA - Berita Iban Online

Header Ads

  • Baru Nyadi

    KWSP nyendiaka mayuh agi e-withdrawals di Sarawak JULPADYA

    Julpadya Sooma
    KUCHING: Setaun pengudah sistem e-withdrawals Gerempung Wang Turu Pengereja Pengawa (KWSP) ngena online, timbal naka diatu di Sarawak chukup manah.

    Bejaku ngagai The Borneo Post dalam sebengkah randau eksklusif, Ketuai KWSP Sarawak Julpadya Sooma madahka antara bulan Januari ngagai September taun tu, penyampau transaksyen e-withdrawals di Sarawak udah manggai 6,255 kes tauka urung semilan peratus ari penyampau kesemua pengawa ngeluar.

    Nitih ku Julpadya, tu nyadi penyampau ti diterima manah, ke alai kaunter KWSP di serata Sarawak diperati enda entu sekut dalam kandang beberapa bulan pengudah sistem e-withdrawal dikemeran ba nengeri tu.

    “E-withdrawal tu perengka guna baru ti ngemendarka bala kaban kitai nganjung peminta online ngeluarka duit simpan nengah aplikasyen ‘i-Akaun’ ba telefon binching sida.

    “Di Kuching ditu empu, naka diatu, kami udah bisi lebih 40,000 iku kaban rejister apliksyen ‘i-Akaun’, lalu kami ngarapka penyampau transaksyen e-withdrawal tu deka nambah laban kami nyingkang mansang ke mua – ti ngujungka kami ulih ngurangka agi kaunter ila seraya meri peneleba ti efisien agi ngagai bala penguna.

    “Belalauka pejalai pelin lima taun kami, kami bisi tagit deka ngulih antara 60 ngagai 70 peratus ari semua ti diatur kami diatu dalam online.”

    Sistem e-withdrawal nyediaka sukung ngagai lima chara ngeluar ti bebida: meli tuaka ngaga rumah, ngurang tauka ngambi pulai baru jali rumah, bayar ninting bulan jali rumah, pelajar enggau pengerai ti deka bisi disedia enda lama agi.

    Naka diatu, e-withdrawal pemadu laku iya nya ungkup pelajar laban iya meri 65 peratus ari kesemua penyampau transaksyen e-withdrawal.

    Penguntung ngaga peminta online iya nya mayuh bala kaban KWSP peneka nganjung enggau meresa status peminta e-withdrawal sida sebarang maya enggau sebarang alai.

    Bala kaban mega ulih dipadah nengah pesan jaku pandak (SMS) enggau aplikasyen ‘i-Akuan’ nya empu maya status peminta sida udah diubah tauka nyema bisi peminta begunaka dokumen bukai.

    Pia mega, bala kaban semina deka dipinta datai ngenukuka chelak jari enggau penerang diri ba kaunter KWSP pengudah peminta ngeluarka simpan sida dikemendar.

    Kenu ku Julpadya, pekara tu semina dikena nentuka penulin penerang diri kaban sereta ngurang peluang nipu nengah transaksyen.

    Taja pia, enggau teknologi ngelala chelak jari diatu endang suah agi dikena dalam nyauka semua telefon binching, iya mega ngelalau atur pengawa ngenukuka chelak jari nyangka deka online dudi hari.

    “Opis ICT kitai diatu benung ngatur pekara nya ngambika ulih dikena enggau jampat.

    Tu seriris enggau perambu kami lalu tu semaya kami ke amat ngagai bala kaban – nentuka bala sida enda ibuh/badu agi ngelawa kami di kaunter.”

    Kelimpah ari ngelimat jam bala kaban KWSP, belanja mega enda tebasau maya sida suah agi ngelawa kaunter KWSP di menua sida, tuju perengka guna baru tu mega dikena ngurangka saru penemu ba pengawa ngeluar duit simpan sida enggau KWSP ngemendarka rejister piak ketiga, institusyen wang, ngulihka penerang terus ari KWSP.

    Ari pengawa ngemendarka institusyen tu ngatur iya, tu ngemendarka sida meri jaku lalau pemadu manah ngagai bala penguna sida lalu ngelimat jam datai ba renggat peminta ngeluar.

    Dikena ngeluarka simpan dikena berumah, institusyen piak ketiga ti dikenuku nyengkaum RHB Bank, Maybank, Bank Islam, OCBC Bank, BSN, AmBank, UOB sereta CIMB. Tambah iya, lis bank tu ila deka nambah, Public Bank enggau Hong Leong bank.

    Ba pekara pelajar, piak ketiga ti dikenuku iya nya International Islamic University Malaysia, Multimedia University, Open University Malaysia, University of MARA Technology, enggau ngempuruka wang turu pelajar tinggi Malaysia.

    Lalu ungkup pengawa ngeluar ti meruan ila, atur pengawa KWSP ke alai piak ketiga ti ngaul diri iya nya Palan Tungkul Atau Nasional (IJN). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads