Leez Zwita, Dino sama deka ngerami PGRP 6.0 - Berita Iban Online

Header Ads

  • Baru Nyadi

    Leez Zwita, Dino sama deka ngerami PGRP 6.0

    Mathew Abu
    KUCHING: Pengawa ‘Potluck’ Gempuru Raban Pemerindang (PGRP 6.0) kedeka diatur kena hari Minggu (12 Nov) tu deka digulu mayuh raban penanyi mengeri tu.

    Antara ke udah netapka penatai diri iya nya penanyi ke baru angkat nama tebilang enggau lagu berentak dangdut, Dino ari Kaban Muzik Production (KMP). Lagu iya ke benung ranchak ditebah ba radio iya nya lagu Bidayuh ke diberi nama Cinta Peras Bebi (Pengerindu Chelap Angat).

    Nitihka penerang ari Ketuai Komiti Pengatur PGRP 6.0, DJ Mathew Abu, siku mega penanyi tebilang ari OCH Sound Production, Leez Zwita deka mega ngenataika diri. Leez ke angkat enggau lagu Bajik Tuai, Gerah Mata Undang, Ukai Antah Dipilih Nuan deka merindang mensia mayuh berengkah ari pukul 4 lemai.

    “Program tu endang dibuka ngagai mensia mayuh mungkur raban penanyi, komposer, raban pemuzik, peminat industri muzik Dayak enggau raban intelektual. Mensia mayuh ke deka datai ila diperansang mai pemakai enggau utai irup ungkup kediri empu ngena chara ‘potluck’.

    “Sistem karaoke enggau akustik bisi disediaka dikena bala pengabang sama berami sereta mantaika pengelandik diri ke alai program tu berengkah dibuka ari pukul 2.00 ngalihari. Palan pengerami iyanya ba sebuah lot kedai sepiak D’Dayak Cafe Kota Samarahan. Main ungkup raban nembiak mit, baka pekit nyura enggau mayuh bansa main bukai (games) bisi disediaka perais magang,” ku Mathew.

    PGRP tu keterubah sekali diatur dalam taun 2012 ke alai ninting taun siku orang deka dipadu nyadi Tuai Rumah pengerami. Nitihka ripih dia edisyen keterubah betuaika Jamain Ambang, ditangkan Gordon John, Homery Sylvester Pungga, Albert Meuk enggau Oliver Christy Henry.

    Taun tu edisyen ke 6.0, siku orang dagang ke mega penanyi ke baru nyingkang dalam industri muzik Iban dipadu mangku pengawa nyadi Tuai Rumah, Teelong T.

    Silik senentang pengerami tu kita tau betanya nuju DJ Mathew (016 8074005), Homery (012 8864745), Teelong (011 25119799). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads