Header Ads

  • Berita Tebaru

    Lina Soo nerima tanggi Pandikar Amin belaban penemu bejurai pasal MA63

    NERIMA TANGGI: Lina (kanan) begulai enggau ke bukai ngayanka surat ti dikenataika ngagai Pandikar ba aum pengarang berita ditu, kemari.
    KUCHING: Pejurai Penemu pasal Sempekat Malaysia 1963 (MA63) dipelabaka nyadi, enti Yang Dipertua Dewan Rakyat, Tan Sri Pandikar Amin Mulia nerima pinta Presiden Parti Reformasi Sarawak (STAR), Lina Soo.

    Pekara nya pengudah Lina ngenataika surat dikena nyaut tanggi Pandikar kemari, ti bejuraika penemu ba mua mensia mayuh bekaul enggau isu penumbuh Malaysia kelebih agi bekaul enggau hak Sarawak enggau Sabah.

    “Kami muji pemerani iya (Pandikar) ti nyau deka nadai ba enda ngira kaban politik Malaysia sehari tu.

    “Nya alai, aku enggau lantang ati nyambut pinta sereta nerima tanggi iya tu,” ku Lina ba aum pengarang berita ditu, kemari.

    Iya mega meri perambu bejuraika penemu nya diatur kena Hari Enam iya nya 13, 20 enggau 27 Januari taun baru pukul 2.30 lemai, lalu endur diatur nitihku Pandikar di Kuala Lumpur.

    Lina mega milih bejuraika penemu ngena jaku Inggeris laban MA63 nya sempekat antarabansa dalam jaku Inggeris ti disediaka Bristish, disain sereta disain di London.

    Lina ti kala nyadi presiden gerempung ukai dikuasa perintah (NGO) hak asasi manusia Sarawak, Persatuan Aspirasi Rakyat Sarawak (SAPA) ba tau 2014 udah ditukuka nyadi pengeruga ngagai pengelikun enggau pengelantang mensia mayuh, lebuh nya ti keterubah di menua tu ngepunka runding enggau ‘forum umum’ pasal MA63 di serata Sarawak.

    Pandikar apin lama diripot nanggi enda ngira sesapa ke deka belaban bejuraika penemu ba mua mensia mayuh bekaul enggau isu penumbuh Malaysia lebih agi bekaul enggau hak Sarawak enggau Sabah.

    “Aku sedia datai enda ngira maya kelebih agi nerangka pasal fakta bekaul enggau MA ti diputar belit sekeda piak,” ku iya. #UtusanBorneo

    No comments

    Post Top Ad