MARA nempa kerejasama agro enggau peranak Kapit - Berita Iban Online

Header Ads

  • Baru Nyadi

    MARA nempa kerejasama agro enggau peranak Kapit

    Datuk Alexander Nanta Linggi
    KAPIT: Sapit Menteri Pemansang Menua Pesisir enggau Kandang Menua (KKLW) Datuk Alexander Nanta Linggi mujur bejadika Pengawa Nutup Program Hati Emas Kemahiran MARA-Kapit ti berambaika jaku ‘Nembiak Bepengelandik Peransang Pemansang Menua Pesisir’.

    Program tu nyadi projek Tanggungpengawa Rama Korporat (CSR) (CSR) Hati Emas Majlis Amanah Rakyat (MARA) begulai enggau komuniti ke alai tuju iya mantu rayat menua pesisir bisi sambung ba servis disediaka MARA.

    Tu seriris enggau manifestasyen penegap prinsip sereta ‘nilai’ begulai ti dipegai MARA iya nya angkunka pengandal rayat.

    Pekara ti manah, program tu mega ngaul pengawa begulai antara MARA enggau komuniti di menua nya.

    Ba renggat MARA, program tu disukung kaul ari orang gawa enggau subsidiari MARA, bala nembiak Institut Pendidikan MARA (IPMa), komuniti pedagang sereta Gempung Ukai Dikuasa Perintah (NGO) di baruh MARA.

    Seraya di renggat pun menua, kaul bala ketuai enggau komuniti di menua nya, raban kaunsil kandang menua sereta ejensi perintah.

    Nanta dalam jaku dipansutka iya madahka Program Hati Emas tu dikena nentuka komuniti menua pesisir enda dikelaung ari ngasaika arus pemansang teknologi asil ari pemansang projek inovasyen dipejalaika Institut Kemahiran MARA.

    “Aku berasai chukup benasit sereta temegah ati enggau inisiatif MARA ti bejalaika program begulai enggau peranak menua pesisir di Nengeri Sarawak, kelebih agi di Bagi Menua Kapit.

    “Kelimpah ari ulih mantaika gaya pendiau bansa Iban di Rh Empawi Sawa Iba di Nanga Sekukut, Sg. Yong, Kapit, pengawa mindahka teknologi enggau penemu ulih dipejalai baka ti digaga Institut Kemahiran MARA Bintulu ari asil pemansang projek inovasyen ti begulaika projek inovasyen iya nya unit rumah gadung, sistem fertigasyen, kuasa solar enggau sistem penyelap.

    Nitih ku Nanta, sistem hidroponik enggau fertigasyen iya nya sistem akuakultur (nupi ikan) enggau hidroponik (nanam sayur enggau entali ai, nadai ngena tanah) sereta meri sum nengah sistem beris ai ti dipegulai.

    Tu antara sekeda ubah inovasyen dipejalaika IKM Bintulu ba pengawa ngangkatka pemansang peranak di Pelilih Kapit lalu bela tau dikena peranak bukai.

    Nanta ke mega Kaban Parlimen (MP) Kapit madah, pemansang dipejalai siti raban aja sebaka enggau orang ti semina betempap sepiak jari aja.

    Ku iya, perintah enggau rayat patut bela nyingkang ngambika asil pemujur ti meruan sereta ngemai penguntung ngagai kededua piak.

    Pia mega ku iya, MARA terus nyapai visyen KKLW iya nya ngangkatka menua pesisir nyadi mengeri nengah kaul begulai komuniti menua pesisir enggau ngenyemakka bida takah nengah infrastruktur, ekonomi, pelajar enggau ke bukai ti nyadi pemansang ba semua pekara pengelantang enggau penyenang komuniti.

    Ngelansa antara Progam Hati Emas Kemahiran MARA 2017 nyengkaum sesais pagi begulai enggau peranak Rumah Panjang, MARA Fun Run 2017@Kapit, pengawa nyuaka kereban inovasyen, ngaga pegung ti digaga bala nembiak IPMa ungkup projek inovasyen, Hati Emas Kemahiran MARA.

    Bela bisi diatur Program Engagement MARA Tuisyen Rakyat @ KKLW Pelilih Kapit, pengawa diatur di Balai Sri Baleh. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads