Miri begunaka belanja lebih dikena mutarka penanggul ampuh bah - Berita Iban Online

Header Ads

  • Baru Nyadi

    Miri begunaka belanja lebih dikena mutarka penanggul ampuh bah

    Datuk Lee Kim Shin
    MIRI: Mengeri Miri begunaka mayuh agi agih belanja ungkup ngemanahka sistem entali ai dikena mutarka penusah ampuh bah dalam timpuh panjai.

    Pemantu khas Menteri Muda Dagang Temuai, Seni enggau Main Asal, Datuk Lee Kim Shin madah, peranak di kandang menua ti baruh di Senadin entara ke balat kena pangka tetiap kali penusah bah tunggal nyadi, kelebih agi maya ujan bangat.

    “Ujan nyadi kenyau ari beberapa hari ngujungka ampuh bah nyadi di sekeda kandang menua, entara nya jalai penyambung Tudan Fasa 5 ngagai Estet Perindustrian Lutong Baru enggau Estet Perindustrian Desa Senadin.

    “Dikena mutarka penanggul tu dalam timpuh panjai, Miri begunaka mayuh agi agih belanja ari perintah besai ngambika Kaunsil Mengeri Miri (MBM) tauka Opis Parit enggau Entali Ai (JPS) ulih ngaga parit besai sereta bejalaika pengawa ke patut,” ku iya madah ngagai media pengudah ngabas kandang menua ti suah dituntung penusah ampuh bah di Lutong Baru enggau Senadin ensana.

    Bela nyempulang iya, Injinir JPS Bagi Menua Miri, Iwan Halmi, ketuai Komuniti China Kapitan Ngieng Hok Diing enggau Kapitan Chong Ah Muk sereta beberapa iku kaban Parti Sa’ati Rayat Sarawak (SUPP) Senadin.

    Eric ke mega pemesai pemadah SUPP Pampang Senadin minta MBM enggau JPS ngambi ngiga jalai mutar enggau jampat nyengkaum ngelala blok di entali ai enggau sungai mit besemak sereta ngupas entali ari tepekul nyeliahka ai tepekul lalu ngujungka bah tunggal nyadi.

    Berebak enggau nya ku iya, JPS enggau MBM patut minta agih belanja lebih ari perintah besai.

    Ba lansa ke bukai, ku Iwan, iya deka mai pekara nya ngagai piak ke tinggi agi ngambi bejalaika atur ti patut, berindik ari kandang diatu opis nya nadai belanja bejalaika pengawa ngintu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads